পৃথিৱীৰ সকলোতকৈ কম আয়ুসকালৰ প্রাণীবিধ

Kakali Deka January 25, 2025

ডিজিটেল ডেস্কঃ জীৱজগত বৈশিষ্ট্যৰে ভৰপূৰ। পৃথিৱীত বাস কৰা নানা প্ৰজাতিৰ উদ্ভিদ আৰু প্ৰাণীৰ জীৱনকাল ভিন ভিন। ইয়াৰ ভিতৰত কিছুমান প্রাণী দীর্ঘদিন ধৰি বাচি থাকে, আন কোনোবাটোৰ আয়ুসকাল আকৌ অতি সামান্য। 

এই বিশ্বত এনে এবিধ প্রাণী আছে, যাৰ জীৱনকাল আৰম্ভৰ পৰা শেষ হয় অতি কম সময়ত। চকুৰ পচাৰতে আয়ুসকালৰ অন্ত পৰে এইবিধ প্ৰাণীৰ। জানিব পৰা মতে, এইবিধেই হ'ল পৃথিৱীৰ আটাইতকৈ কম দিন জীয়াই থকা প্রাণী। 

শুনিলে আচৰিত হ'ব যে এই অদ্ভুত প্রাণীবিধৰ জীৱনকাল মাত্র এদিন। এই এদিনৰ ভিতৰতে প্রাণীবিধ সৰুৰ পৰা ডাঙৰ হয়, বংশবৃদ্ধিও হয় এই সময়খিনিতে। জীৱনৰ সকলোখিনি কাম সম্পন্ন কৰে এদিনৰ ভিতৰতে। দেখা গৈছে যে এদিনৰ আয়ুসকালতে এই প্রাণীবিধে বংশবৃদ্ধিৰ কাৰণে ১০ হাজাৰ কণী পাৰে। যিয়ে কার্যতঃ প্রাণীবিজ্ঞানীক হতবাক কৰি তুলিছে। পানীতে ইহঁতে জীৱনকাল কটায়। পৃথিৱীৰ সকলোতকৈ কম আয়ুসকাল থকা এই প্রাণীবিধ হ'ল মেফ্লাই। মেফ্লাই এক ধৰণৰ জলজ পোক। প্রাণীবিধ দেখাত স্বচ্ছ দানাযুক্ত। উল্লেখযোগ্য যে অতি কম জীৱনকালপ্রাপ্ত এইবিধ প্রাণীয়ে কিন্তু পৃথিৱীৰ বিভিন্ন উপকাৰ সাধন কৰে। পানী পৰিষ্কাৰ ৰখা তথা পানী অক্সিজেনযুক্ত কৰি ৰখাত এইবিধ প্রাণীয়ে যথেষ্ট সহায় কৰে।

Share This