'গুডবাই ইণ্ডিয়া' বুলি লিখিও স্বদেশলৈ উভতিব নোৱাৰিলে 

dainik janambhumi June 13, 2025

ডিজিটেল ডেস্ক : ভাৰতৰ গুজৰাট ভ্ৰমণৰ বহুতো সুখদায়ক অভিজ্ঞতা আৰু স্মৃতি বুকুত বান্ধি স্বদেশলৈ ৰাওনা হোৱা লণ্ডনৰ যোগ বিশেষজ্ঞ জেমি মীকৰ আৰু ঘৰলৈ যোৱা নহ'ল। বৃহস্পতিবাৰে। ভয়ংকৰ বিমান দুর্ঘটনাটোত জেমিয়ে আহমেদাবাদত মৃত্যুক সাবটি ল'লে। 

ঘৰলৈ ঘূৰাৰ আগতে ব্রিটিছ যোগ বিশেষজ্ঞ জেমিয়ে ভাৰত ভ্ৰমণ অত্যন্ত সুখদায়ক বুলি অভিহিত কৰিছিল। বুধবাৰে ইনষ্টাগ্ৰামত দিয়া এটা প'ষ্টত জেমিয়ে তেওঁৰ সংগীৰ সৈতে অহা ভাৰত ভ্ৰমণৰ অভিজ্ঞতাক 'যাদুকৰী' আখ্যা দিছিল আৰু তেওঁৰ সংগী ফিয়নগেল গ্রীনল'-মীকৰ সৈতে ভিডিঅ' প্ৰচাৰ কৰি লিখিছিল, 'ভাৰতত তেওঁলোকৰ শেষ নিশা।' 

বৃহস্পতিবাৰে পুৱা বিমানত উঠাৰ পূৰ্বে আন এটা ভিডিঅ' প'ষ্ট কৰিছিল আৰু কৈছিল- 'বিদায় ভাৰত...।' উল্লেখযোগ্য যে এই অভিশপ্ত এয়াৰ ইণ্ডিয়াৰ বিমানখনত ব্রিটেইনৰ ৫৩জন যাত্রীয়ে লণ্ডন অভিমুখে যাত্রা কৰিছিল।

Share This