জাপানৰ সহযোগত চন্দ্ৰযান-৫ ৰ বাবে সাজু ভাৰত

dainik janambhumi March 18, 2025

ডিজিটেল ডেস্কঃ ভাৰতে জাপানৰ সহযোগত চন্দ্ৰত পুনৰ অভিযান চলাবলৈ সাজু হৈছে। এই কথা প্রকাশ কৰে ভাৰতীয় মহাকাশ গবেষণা কেন্দ্ৰৰ (ইছৰ') অধ্যক্ষ ভি নাৰায়ণনে। বেংগালুৰুত ইছৰ'ৰ মুৰব্বীৰ পদ গ্ৰহণ কৰাৰ পাছত এটা অনুষ্ঠানত তেওঁ কয় যে তিনি দিনৰ আগতে চৰকাৰে চন্দ্রযান-৫ অভিযানত অনুমোদন জনাইছে। 

এই অভিযানত জাপান ছিৰ'ৰ সহযোগী হিচাপে থাকিব বুলি তেওঁ প্রকাশ কৰে। চন্দ্ৰযান-৩য়ে ২৫ কিল'গ্ৰামৰ ৰ'ভাৰ প্ৰজ্ঞানক লৈ গৈছিল। চন্দ্রযান-৫য়ে চন্দ্ৰৰ পৃষ্ঠ ভাগৰ অধ্যয়নৰ বাবে ২৫০ কিল'গ্ৰামৰ ৰ'ভাৰ লগত লৈ যাব। নাৰায়ণনে কয় যে ২০২৭ চনত উৎক্ষেপণ কৰিবলগীয়া চন্দ্ৰযান-৪য়ে চন্দ্ৰৰ পৰা মাটিৰ নমুনা সংগ্ৰহ কৰি পৃথিৱীলৈ আনিব। 

তেওঁ লগতে প্রকাশ কৰে যে ভাৰতে ২০৪০ চনত মহাকাশচাৰীক চন্দ্ৰপৃষ্ঠত অৱতৰণ কৰোৱাৰ লক্ষ্য লৈছে। এই দিশত ভাৰতৰ অভিজ্ঞতা বৃদ্ধিৰ বাবে চন্দ্ৰযান-৫ প্ৰেৰণ কৰা হ'ব। 

চন্দ্ৰযানৰ উপৰি ভাৰতে গগনযান অভিযানৰো কাম কৰি আছে। ইয়াৰ লক্ষ্য হ'ল ২০৩৫ চনত ভাৰতে মহাকাশলৈ ভাৰতীয় মহাকাশচাৰী প্ৰেৰণ কৰিব। উল্লেখযোগ্য যে চন্দ্রযান-৪ অভিযানক যোৱা বছৰ ছেপ্টেম্বৰত কেন্দ্ৰীয় কেবিনেটে অনুমোদন জনাইছিল।

Share This