জোফ্ৰা আৰ্চাৰৰ অভিলেখ

dainik janambhumi February 27, 2025

ডিজিটেল ডেস্কঃ আই চি চি চেম্পিয়ন্‌ছ ট্ৰফীৰ আফগানিস্তানৰ বিৰুদ্ধে ইংলেণ্ডৰ বলাৰ জোফ্রা আৰ্চাৰে বুধবাৰে এক অভিলেখ গঢ়ে। আৰ্চাৰে এই মেচখনত তিনিটা উইকেট লয়। তেওঁ প্রথমে আউট কৰে ৰহমানুল্লাহ গুৰবাজক। ইয়াৰ লগে লগে আর্চাৰে এদিনীয়াত ইংলেণ্ডৰ হৈ আটাইতকৈ কম সংখ্যক মেচত ৫০টা উইকেট দখলৰ অভিলেখ গঢ়ে। ইয়াৰ লগে লগে তেওঁ জেমছ এণ্ডাৰছনৰ ২১ বছৰ পুৰণি অভিলেখ ভংগ কৰে।

আৰ্চাৰে ৩০ সংখ্যক এদিনীয়াত ৫০টা উইকেট দখল কৰি এই অভিলেখ ভংগ কৰে। ইয়াৰ আগতে এণ্ডাৰছনে ৩১খন মেচত ৫০টা উইকেট দখল কৰি অভিলেখ সৃষ্টি কৰিছিল। উল্লেখযোগ্য যে এদিনীয়াত আটাইতকৈ কম সংখ্যক মেচত ৫০টা উইকেট লোৱাৰ অভিলেখৰ গৰাকী শ্রীলংকাৰ প্ৰাক্তন স্পীনাৰ অজন্তা মেণ্ডিছ। তেওঁ ১৯খন মেচত এই কৃতিত্ব অর্জন কৰিছিল। নেপালৰ সন্দীপ লামিছানে ২২খন মেচ আৰু ভাৰতৰ অজিত আগাৰকাৰে ২৩খন এদিনীয়াত ৫০টা উইকেট দখল কৰিছিল।

Share This