টীম ইণ্ডিয়াত স্থান পাব জুৰেলে

dainik janambhumi November 10, 2025

ডিজিটেল ডেস্ক : দক্ষিণ আফ্ৰিকাৰ বিৰুদ্ধে শৃংখলাৰ আগে আগে ধ্ৰুৱ জুৰেল দুর্দান্ত ফর্মত আছে। দক্ষিণ আফ্রিকা 'এ' দলৰ বিৰুদ্ধে বেচৰকাৰী দ্বিতীয়খন টেষ্টৰ উভয় ইনিংছতে শতৰান কৰে জুৰেলে। ইয়াৰ ফলত দলীয় মেনেজমেণ্টৰ ওপৰত চাপ বৃদ্ধি পাইছে। একেখন খেলতে দুটা শতকীয় ইনিংছ খেলাৰ পাছত পুৰস্কাৰ হিচাপে ভাৰতৰ মূল একাদশত স্থান পাব পাৰে জুৰেলে। 

বি চি চি আইৰ এক সূত্রই সংবাদ মাধ্যমক কয়, 'জুৰেলে সম্ভৱতঃ এগৰাকী বিশেষজ্ঞ বেটাৰ হিচাপে খেলিব পাৰে। দুটা স্থানত তেওঁক নমাব পাৰি। প্ৰথমতে ৩ নম্বৰত ছাই সুদৰ্শনৰ স্থানত। কিন্তু অন্তিম টেষ্টখনত অর্ধশতক অর্জন কৰে সুদৰ্শনে। দলীয় মেনেজমেন্টে ৩ নম্বৰত আন কাৰোবাক বিচাৰিছে। অৱশ্যে আৰু ১টা স্থান বাকী আছে। সেয়া হ'ল নীতিশ কুমাৰ ৰেড্ডীৰ স্থান। ভাৰতীয় পৰিৱেশত তেওঁৰ বলিং কৰাৰ প্ৰয়োজন নহ'বও পাৰে। তালৈ চাই সেই স্থানত জুৰেলক খেলাব পাৰি।' 

দক্ষিণ আফ্রিকা 'এ' দলৰ বিৰুদ্ধে প্রথম ইনিংছত চাপৰ মাজতো জুৰেলে শতৰান গোটাইছিল। এটা সময়ত ১২৬ ৰানত ৭টা উইকেট হেৰুৱাই বিপদত পৰিছিল ভাৰতীয় 'এ' দল। লোকেশ ৰাহুলৰ পৰা আৰম্ভ কৰি ঋষভ পন্টসহ সকলো ব্যর্থ হৈছিল। সেই সময়ত জুৰেলৰ বেটত ৰান উঠিছিল। ১৭৫টা বলত তেওঁ অপৰাজিত ১৩২ ৰান কৰিছিল। দ্বিতীয় ইনিংছতো জুৰেলে অনবদ্য বেটিং কৰি ১২৭ ৰানত অবিজিত হৈ থাকে। ঘৰুৱা ছিজন আৰম্ভ হোৱাৰ পৰাই ছন্দত আছে জুৰেল। অন্তিম ৮টা প্রথম শ্ৰেণীৰ ইনিংছত তেওঁৰ নিজ প্রদর্শনতালৈ চাই জুৰেলক বাদ দিয়া কঠিন হ'ব। ইয়াৰ উপৰি ছিজন আৰম্ভ হোৱাৰ পৰা ৫০.৭১ গড়ে ৩৫৫ ৰান কৰা দেৱদত্ত পাৰিকালকো দলৰ পৰা আঁতৰত ৰাখিব পৰা নাযাব। সেয়ে হয়তো নীতিশ ৰেড্ডী বাদ পৰিব পাৰে।

Share This