বেংগালুৰুৰ পদপিষ্টৰ ঘটনাত আৰ চি বিক জগৰীয়া কৰ্ণাটক চৰকাৰৰ

dainik janambhumi July 19, 2025

ডিজিটেল ডেস্ক : বেংগালুৰুৰ চিন্নাস্বামী ষ্টেডিয়ামৰ প্ৰৱেশ পথৰ বাহিৰত যোৱা মাহত আই পি এল ক্রিকেট প্রতিযোগিতাত ৰয়েল চেলেঞ্জাৰ্ছ বেংগালুৰুৰ বিজয়োল্লাসৰ সময়ত হোৱা হেঁচা-ঠেলাত ১১জন লোকৰ মৃত্যুৰ লগতে ৫০জনৰো অধিক লোক আহত হোৱাৰ ঘটনাৰ কৰ্ণাটক চৰকাৰে কৰ্ণাটক উচ্চ ন্যায়ালয়ত দাখিল কৰা প্রতিবেদনত ক্রিকেট দলটোক জগৰীয়া কৰিছে। 

ৰাজ্য চৰকাৰখনে দাখিল কৰা প্ৰতিবেদনত কয় যে ৰয়েল চেলেঞ্জাৰ্ছ বেংগালুৰুৱে বিজয় উৎসৱ পালনত অংশ লোৱাৰ বাবে জনসাধাৰণৰ 'একপক্ষীয়ভাৱে' আৰু নগৰ আৰক্ষীৰ পৰা 'কোনো আলোচনা-অনুমতি অবিহনে' আমন্ত্ৰণ কৰিছিল। 

কর্ণাটক উচ্চ ন্যায়ালয়ৰ নিৰ্দেশনাৰ পাছতেই প্রতিবেদনখন ৰাজহুৱা কৰা হয়। ৰাজ্য চৰকাৰে কয় যে দলটোৱে বিজয় উৎসৱ উদ্যাপন কৰাৰ বাবে প্রয়োজনীয় অনুমতি লাভ কৰা নাছিল আৰু আৰক্ষীৰ সৈতে আৰ চি বিৰ মেনেজমেন্ট, ইভেন্ট মেনেজমেন্ট অংশীদাৰ ডি এন এ নেটৱৰ্কছ প্রাইভেট লিমিটেড আৰু কৰ্ণাটকছ প্রাইভেট লিমিটেড আৰু কৰ্ণাটক ৰাজ্যিক ক্রিকেট সন্থাই কোনো আলোচনা কৰা নাছিল। প্রতিবেদনখনত আৰ চি বিৰ তাৰকা খেলুৱৈ বিৰাট কোহলীৰ নাম উল্লেখ আছে।

Share This