কৰ্ণাটকৰ উত্তৰ কানাড়াত ভয়ংকৰ পথ দুৰ্ঘটনা 

Kakali Deka January 22, 2025

ডিজিটেল ডেস্ক: আন এক ভয়ংকৰ পথ দুৰ্ঘটনাই জোকাৰি গৈছে দেশ।কৰ্ণাটকৰ উত্তৰ কানাড়াত আজি সংঘটিত হয় এক ভয়ংকৰ পথ দুৰ্ঘটনা।৫০ মিটাৰ দ খাৱৈত পৰিল এখন ট্ৰাক। দুৰ্ঘটনাত ১০জন লোক নিহত হোৱাৰ বিপৰীতে আহত হৈছে ১৫জন লোক। দুৰ্ঘটনাত আহত কেইবাজনো লোকৰ অৱস্থা সংকটজনক বুলি জানিব পৰা গৈছে। যাৰ বাবে মৃতকৰ সংখ্যা বৃদ্ধি পোৱাৰ আশংকা আছে।

উল্লেখযোগ্য যে দুৰ্ঘটনাগ্ৰস্ত ট্ৰাকখন ফল আৰু পাচলি ব্যৱসায়ীৰ আছিল। তেওঁলোকে ফল-পাচলি বিক্ৰী কৰিবলৈ চাভানুৰৰ পৰা য়েল্লাপুৰা বজাৰলৈ গৈ আছিল। চাভানুৰ-হুব্বালি পথৰ এখন বনাঞ্চলৰ মাজেৰে পাৰ হৈ যাওঁতে এই দুৰ্ঘটনাটো সংঘটিত হয়।দুৰ্ঘটনাটো ইমানেই ভয়ংকৰ আছিল যে ঘটনাস্থলীতে ৮জন লোকৰ মৃত্যু হয়। লগতে চিকিৎসাৰ সময়ত আন দুজন আঘাতপ্ৰাপ্ত লোকে প্ৰাণ হেৰুৱায়। 

আনহাতে দুৰ্ঘটনাৰ খবৰ পোৱাৰ পাছতে ঘটনাস্থলীত উপস্থিত হয় আৰক্ষীৰ এটা দল । আৰক্ষীয়ে আটাইকেইটা মৃতদেহ মৰণোত্তৰ পৰীক্ষাৰ বাবে প্ৰেৰণ কৰিছে। লগতে এই ঘটনা সন্দৰ্ভত তদন্ত আৰম্ভ কৰিছে আৰক্ষীয়ে।

Share This