কেদাৰনাথ ধামত আছে এটা প্ৰকাণ্ড শিল।কেনেকৈ এটা প্ৰকাণ্ড শিলে ৰক্ষা কৰিছিল কেদাৰনাথ মন্দিৰক।

Kakali Deka January 20, 2025

ডিজিটেল ডেস্কঃ আজিও কেদাৰনাথ মন্দিৰক সুৰক্ষা দি আহিছে ভীমে।কেদাৰনাথ ধামত আছে এটা প্ৰকাণ্ড শিল।হয়,কবলৈ লৈছোঁ ২০১৩ চনৰ ১৬ জুনৰ কথা। যিটো দিনত কেদাৰনাথ ধামত ঘটিছিল এক ভয়ংকৰ ঘটনা।এই দিনটোতেই  দেৱভূমি উত্তৰাখণ্ডত প্ৰকৃতিয়ে ধাৰণ কৰিছিল ভয়ংকৰ ৰূপ।প্ৰকৃতিয়ে এফালৰ পৰা চলাই গৈছিল ধংস লীলা।প্ৰলয়ংকাৰী বানে এফালৰ পৰা উটোৱাই লৈ গৈছিল ঘৰ দোৱাৰ,পাহাৰ,গাড়ী মটৰ,দোকানকে ধৰি সকলো।মৃত্যুমুখত পৰিছিল হাজাৰ হাজাৰ লোক।

ক্ৰমাৎ যেন বিপদে দেখা দিচিল কেদাৰনাথ ধামক।যিকোনো মুহূৰ্ততে প্ৰলয়ংকাৰী বানে কেদাৰনাথ মন্দিৰক উটুৱাই নিব পৰা পৰিস্থিতিৰ সৃষ্টি হৈছিল। ইফালে প্ৰকৃতিৰ এই‌ ৰুদ্ৰ ৰূপৰ মাজতেই ৩শৰ পৰা ৫শ লোকে জীৱন ৰক্ষাৰ বাবে আশ্ৰয় লৈছিল কেদাৰনাথ মন্দিৰত।অন্ঠ কন্ঠ শুকাই আহিছিল লোকসকলৰ।কিন্তু আহিছিল প্ৰচণ্ড ঢল।যিকোনো মুহূৰ্ততে মন্দিৰসহ সকলো লোক শেষ হৈ যাব পাৰে।কিন্তু লোকসকলে দেৱাদিদেৱ মহাদেৱক কৰি গৈছিল আৰাধনা। 

আনহাতে সেই সময়তে ঘটিছিল এক চমৎকাৰ।মহাদেৱক ৰক্ষা কৰিবলৈ সেই সময়ত নিজেই আহিছিল ভীম।ক’ৰ পৰা আহিছিল সেই প্ৰকাণ্ড ঐশ্বৰিক শিলটো।কেদাৰনাথ ধামক আৰু ভক্তক ৰক্ষা কৰিবলৈ প্ৰলয়ংকাৰী বানৰ মাজতে দেৱদোতৰ দৰে আহিছিল এই বিশেষ শিলাখণ্ড।কিন্তু সেই প্ৰকাণ্ড ঐশ্বৰিক শিলটোৰ বিষয়ে কোনেও জনা নাছিল। হঠাৎ আৰ্ৱিভাৱ হোৱা এই ঐশ্বৰিক শিলটোৱে কম সময়ৰ ভিতৰতে বানপানীৰ গতিপথ সলনি কৰি মন্দিৰটোক নিৰাপদে ৰক্ষা কৰে।

আনহাতে কেদাৰনাথ ধামৰ সন্মুখতে ৰৈ গৈছিল সেই প্ৰকাণ্ড শিলটো।কোনোৱে একো ধৰিবকে নোৱাৰিলে। হঠাৎ কৰ পৰানো আহিল এই‌ ঐশ্বৰিক শিলটো। সেই বৃহৎ আকাৰৰ শিলটোৱে প্ৰচণ্ড ধলক বাধা দিছিল মন্দিৰত প্ৰৱেশ কৰাত।এই শিলটোৰ বাবেই ৰক্ষা পৰিছিল হাজাৰ হাজাৰ লোকৰ প্ৰাণ।সেই বৃহৎ শিলটো এতিয়া কেদাৰনাথ মন্দিৰত ভীম শিলা নামেৰে পৰিচিত হৈ আছে। বৰ্তমানেও এই শিলটোৱে কেদাৰনাথ মন্দিৰৰ ওচৰতে থাকি মন্দিৰটোক ৰক্ষা কৰি আছে বুলি‌ বিশ্বাস কৰা হয়।

Share This