উঃ কোৰিয়াৰ পাৰমাণৱিক শক্তিৰ বিকাশ ঘটাব ৰাষ্ট্ৰপতি কিমে

Dainik janambhumi February 10, 2025

ডিজিটেল ডেস্ক: আমেৰিকা, জাপান আৰু দক্ষিণ কোৰিয়াৰ মাজত ত্রিপাক্ষিক সামৰিক সহযোগিতাৰ বাবে উত্তৰ কোৰিয়ালৈ আহিব পৰা ভাবুকিৰ বিষয়ত উদ্বেগ প্রকাশ কৰিছে উত্তৰ কোৰিয়াৰ নেতা কিম জং উনে। 

এইক্ষেত্ৰত প্ৰতিৰক্ষাৰ ব্যৱস্থা হিচাপে ল'বলৈ উত্তৰ কোৰিয়াৰ ৰাষ্ট্ৰপতি কিম উনে দেশখনৰ পাৰমাণৱিক শক্তিসমূহৰ পৰৱৰ্তী সময়ত বিকশিত কৰিবলৈ প্রতিশ্রুতিবদ্ধ হৈছে। ৰাষ্ট্ৰপতি কিমে কয় যে জাপান আৰু উত্তৰ কোৰিয়াৰ সৈতে আমেৰিকাৰ পাৰমাণৱিক কৌশল সম্বন্ধীয় সম্পদসমূহ, যুদ্ধৰ অনুশীলন আৰু সামৰিকা সহযোগিতাই উত্তৰ কোৰিয়ালৈ সামৰিক ভাৰসাম্যহীনতাৰ পৰিস্থিতি কঢ়িয়াই আনিছে আৰু দেশখনৰ নিৰাপত্তা পৰিস্থিতিৰ প্রতি প্রত্যাহ্বানস্বৰূপ হৈ পৰিছে বুলি ৰাষ্ট্ৰপতি কিমে কয়। 

দেশখনৰ সেনাৰ প্ৰতিষ্ঠা দিৱসৰ উপলক্ষে শনিবাৰে প্ৰতিৰক্ষা মন্ত্ৰ্যালয়ত আয়োজিত অনুষ্ঠানত ৰাষ্ট্ৰপতি কিমে কয় যে দেশখনৰ চৰকাৰে অঞ্চলটোত অনাৱশ্যক উত্তেজনা হোৱাটো নিবিচাৰে। কিন্তু দেশখনৰ সামৰিক ভাৰসাম্য সুনিশ্চিত কৰিবলৈ উত্তৰ কোৰিয়াই প্ৰতিৰোধী ব্যৱস্থা গ্রহণ কৰিব বুলি ৰাষ্ট্ৰপতিজনে মন্তব্য কৰে।

Share This