ইডেনত অভিলেখ গঢ়িলে কে কে আৰে

dainik janambhumi April 05, 2025

ডিজিটেল ডেস্ক : ইডেন গার্ডেনত ছানবাইজাৰ্ছ হায়দৰাবাদৰ বিৰুদ্ধে জয়েৰে অভিলেখ গঢ়িলে কলকাতা নাইট ৰাইডাৰ্ছে (কে কে আব)। আই পি এলত তিনিটা দলৰ বিৰুদ্ধে ২০ অথবা ততোধিক মেচত জয় পালে কে কে আৰে। পঞ্জাব কিংছ আৰু ৰয়েল চেলেঞ্জাছ বেংগালুৰুৰ (আৰ চি বি) পাছত ছানৰাইজাৰ্ছ হায়দৰাবাদৰ বিৰুদ্ধেও দমনীয় প্রদর্শন দাঙি ধৰিলে কে কে আৰে। 

বৃহস্পতিবাৰে হায়দৰাবাদক ৮০ ৰানত হৰুৱালে কলকাতাই। ইডেনত সেই জয়েৰে নজিৰ গঢ়িলে আজিংক্য ৰাহানে বাহিনীয়ে। ইয়াৰ আগেয়ে পঞ্জাবৰ বিৰুদ্ধে আই পি এলৰ ইতিহাসত ২১বাৰ জয়ৰ মুখ দেখে কলকাতাই। এইবাৰৰ আই পি এলৰ প্ৰথম ম মেচত কলকাতাই হৰুৱাইছিল বেংগালুৰুক। সেয়া আছিল বিৰাট কোহলীৰ বেংগালুৰুৰ বিৰুদ্ধে কলকাতাৰ ২০সংখ্যক জয়। বৃহস্পতিবাৰে হায়দৰাবাদৰ বিৰুদ্ধেও ২০ সংখ্যক জয় সাব্যস্ত কৰে কলকাতাই। 

প্রথম দল হিচাপে আই পি এলত তিনিটা দলৰ বিৰুদ্ধে ২০ বা তাৰ অধিক মেচত জয়ৰ ৰেকৰ্ড গড়ে কে কে আবে। মেচখনত প্রথমে বেট ধৰি কলকাতাই ছটা উইকেট হেৰুৱাই ২০০ ৰান কৰে। আজিংক্য ৰাহানে ৩৮, অংগকৃশ ৰঘুবংশী ৫০, ভেংকটেশ আয়াৰ ৬০ আৰু ৰিংকু সিঙৰ ৩২ ৰানৰ জৰিয়তে কলকাতাই ২০০ ৰান কৰে। প্ৰত্যুত্তৰত ১৬.৪ অ'ভাৰত হায়দৰাবাদে ১২০ ৰানহে কৰে। দলৰ হৈ হেইনবিচ ক্লাছেনে সর্বাধিক ৩৩ ৰান কৰে। কলকাতাৰ বৈভৱ আৰোৰা আৰু বৰুণ চক্ৰৱতীয়ে তিনিটাকৈ আৰু আন্দ্ৰে ৰাছেলে পায় দুটা উইকেট।

Share This