ডিজিটেল ডেস্কঃ উত্তৰ প্ৰদেশৰ প্রয়াগৰাজত চলি থকা মহাকুম্ভমেলাৰ আজিৰ আনুষ্ঠানিকভাৱে সামৰণি পৰিব। প্রশাসনে ভক্তসকলৰ সুৰক্ষা আৰু সুবিধাৰ বাবে সকলো ব্যৱস্থা গ্রহণ কৰিছে।
প্রয়াগৰাজৰ জিলা দণ্ডাধীশে জনোৱা অনুসৰি মেলাস্থলীত শৃংখলিত ব্যৱস্থা গঢ়ি তুলিবলৈ সকলো যাৱতীয় ব্যৱস্থা গ্রহণ কৰা হৈছে। প্রশাসনে ভক্তসকলৰ যাতায়াতাৰ সুবিধাৰ দিশটোৰ প্রতি বিশেষ দৃষ্টি ৰাখিছে। মঙলবাৰে বিয়লি ৪ বজাৰ পৰা মহাকুম্ভমেলা অঞ্চলত যান-বাহন নিষিদ্ধ এলেকা স্থল ৰূপে ৰূপায়ণ কৰা হয়।
সন্ধিয়া ৬ বজাৰ পৰা সমগ্র প্রয়াগৰাজ নগৰতো যান-বাহন নিষিদ্ধ এলেকা ৰূপে ঘোষণা কৰা হৈছে। ২৬ ফেব্ৰুৱাৰীত মহাশিৱৰাত্রি উপলক্ষে অন্তিম বিশেষ স্নানৰ বাবে বহু ভক্তৰ আগমনৰ প্ৰতি লক্ষ্য ৰাখি এই সিদ্ধান্ত গ্রহণ কৰা হয়।
অৱশ্যে, অত্যাৱশ্যকীয় সামগ্রী কঢ়িওৱা বাহনসমূহক এই নির্দেশনাৰ পৰা ৰেহাই দিয়া হৈছে। মঙলবাৰে সন্ধিয়া ৬ বজা পর্যন্ত মহাকুম্ভত ১.১১ কোটিতকৈও অধিক ভক্তই স্নান কৰে।