এৰী-মুগাক বিশ্বমুখী কৰাৰ প্ৰয়াস

dainik janambhumi August 30, 2025

ডিজিটেল ডেস্ক : কেন্দ্ৰীয় ৰেচম ব'ৰ্ডৰ প্রযুক্তি হস্তান্তৰ অভিযানৰ অধীনত 'মোৰ ৰেচম মোৰ অভিমান'- প্রযুক্তি হস্তান্তৰ অভিযান হিচাপে লখিমপুৰ জিলাত অনুষ্ঠিত কৰি আহিছে এলানি কাৰ্যসূচী। ইয়াৰ অংশ হিচাপে নাৰায়ণপুৰৰ ৰাজ্যিক চিকিৎসালয়ৰ ফাৰ্মত শুকুৰবাৰে এই কাৰ্যসূচীৰ আয়োজন কৰা হয়। কাৰ্যসূচীত লখিমপুৰ জিলাৰ আয়ুক্ত প্ৰণৱজিৎ কাকতী, লাহদৈগড়ৰ চি এম ই আৰ এণ্ড টি আইৰ বিজ্ঞানী-ডি ড° দিগন্ত মেচ, ৰেচম বিভাগৰ অতিৰিক্তি সঞ্চালক আতাউৰ ৰহমান (ৰাজ্যিক নডেল বিষয়া), স্থানীয় জিলা পৰিষদৰ সদস্য দেৱযানী বুঢ়াগোহাঁই হাজৰিকা, ৰেচম বিভাগৰ পৰিকল্পনা বিষয়া জিতেন্দ্রনাথ তালুকদাৰ, লখিমপুৰ ৰেচম বিভাগৰ সহকাৰী সঞ্চালক বশিষ্ঠ কলিতা, নাৰায়ণপুৰৰ বি ডি অ' দিপুল চমুৱা, লখিমপুৰৰ চি এছ বি-আৰ ই চিৰ বিজ্ঞানী-বি পুলক ৰাভাৰ লগতে নিৰাপত্তা বিভাগৰ সম্প্ৰসাৰণ বিষয়া আৰু কৰ্মচাৰী উপস্থিত থাকে। 

অনুষ্ঠানত নাৰায়ণপুৰৰ মুঠ ৬১ গৰাকী উৎসাহী মুগা আৰু এৰী কৃষকে সক্রিয়ভাৱে অংশগ্ৰহণ কৰে। কাৰ্যসূচীৰ অংশ হিচাপে গৃহস্থই উদ্ভিদৰ বিকাশৰ বাবে চোম পুলিৰ বাগিচাও কৰে। জ্ঞানৰ ব্যাপক প্ৰসাৰৰ বাবে কৃষকৰ মাজত তথ্য প্ৰচাৰ পত্রিকা বিতৰণ কৰা হয়। একেদৰে বৃহস্পতিবাৰে লখিমপুৰৰ বঙালমৰাতো এই অনুষ্ঠান অনুষ্ঠিত কৰে। কাৰ্যসূচীত লখিমপুৰৰ গৱেষণা সম্প্ৰসাৰণ কেন্দ্ৰৰ বিজ্ঞানী-বি পুলক ৰাভা, জিলা সম্প্ৰসাৰণ ৰেচম বিষয়া ডি এম হুছেইন, বঙালমৰাৰ গাঁও পঞ্চায়তৰ সভাপতি, উপ-সভাপতি আৰু বঙালমৰাৰ লাট গাঁওবুঢ়াই অংশগ্ৰহণ কৰে। শুকুৰবাৰে বিহপুৰীয়া উন্নয়ন খণ্ডৰ প্ৰেক্ষাগৃহতো কৃষক প্রশিক্ষণ কাৰ্যসূচী সফলতাৰে সম্পন্ন হয়। অনুষ্ঠানত বিহপুৰীয়া ব্লকৰ বি ডি অ' দেবুতোষ নাথ, বিজ্ঞানী পুলক ৰাভা, জিলা বিষয়া ডি এম হুছেইন, হিমাদ্রী গোহাঁই আৰু বিহপুৰীয়া চক্ৰৰ ৰেচম পৰিদৰ্শক ভোগেশ্বৰ ধনদিয়াই উপস্থিত থাকে। উল্লেখযোগ্য যে বৈজ্ঞানিক পদ্ধতি গ্রহণ, গুণগত মানৰ কুকুৰা উৎপাদন আৰু গ্ৰাম্য জনগোষ্ঠীৰ জীৱিকাৰ সুৰক্ষা নিশ্চিত কৰাত এৰী ৰেচমৰ ভূমিকা আদিৰ ওপৰত গুৰুত্ব আৰোপ কৰা হয় এই কাৰ্যসূচীত। 

প্ৰশিক্ষণৰ সময়ত প্রদর্শিত উন্নত পদ্ধতিসমূহ গ্রহণ কৰিবলৈ অংশগ্ৰহণকাৰীসকলে তীব্র আগ্রহ প্রকাশ দেখা যায়। কেন্দ্ৰীয় ৰেচম ব'ৰ্ড আৰু ৰেচম বিভাগে অঞ্চলটোত এৰী-মুগাৰ সংস্কৃতিৰ প্ৰসাৰৰ বাবে আগবঢ়োৱা কাৰিকৰী নিৰ্দেশনা আৰু সহায়ৰ সম্পূর্ণ সুবিধা ল'বলৈ কৃষকসকলক আহ্বান জনায় উদ্যোক্তাই। লগতে অনুষ্ঠানসমূহত মুগা আৰু এৰী কৃষকসকলৰ বৈজ্ঞানিক সবলীকৰণৰ দিশত এক উল্লেখযোগ্য পদক্ষেপ হিচাপে চিহ্নিত কৰিব, যিয়ে জিলাখনৰ ৰেচম বহনক্ষম উন্নয়নত অৰিহণা যোগাব বুলি উল্লেখ কৰে।

Share This