মহাকুম্ভ মেলাত অঘটন,পদপিষ্ট হৈ ১৭জনৰ মৃত্যু

Kakali Deka January 29, 2025

ডিজিটেল ডেস্ক : মহাকুম্ভ মেলাত পদপিষ্টৰ ঘটনা।উত্তৰ প্ৰদেশৰ প্ৰয়াগৰাজত চলি থকা মহাকুম্ভত অমৃত স্নান কৰিবলৈ গৈ পুৱতি নিশা প্ৰায় ২ বজাত পদপিষ্ট হৈ ১৭জনকৈ ভক্তৰ মৃত্যু হয় যদিও মৃতকৰ সংখ্যা আৰু বৃদ্ধি হোৱাৰ আশংকা কৰা হৈছে।লগতে আহত  হৈছে শতাধিক লোক। 

কিয়নো মৌনী অমাৱস্যা উপলক্ষে সংগমস্থলীত অমৃত স্নান কৰিবলৈ কোটি কোটি ভক্তৰ সমাগম হৈছিল। ইয়াৰ মাজতে গভীৰ নিশা ভিৰৰ বাবে সংগমৰ ওচৰত এটা বেৰিকেড ভাঙি যায়, যাৰ বাবে চাৰিওফালে হাহাকাৰময় পৰিস্থিতিৰ সৃষ্টি হয়। এই ঘটনাৰ ফলত একাংশই উশাহ ল’বলৈ কষ্ট অনুভৱ কৰে আৰু ঠেলা-হেঁচা লাগে। পৰৱৰ্তী সময়ত পদপিষ্টৰ দৰে কৰুণ ঘটনা সংঘটিত হয় আৰু বহু লোকে প্ৰাণ হেৰুৱায়।

আনহাতে এই পদপিষ্টৰ ঘটনাত অসমৰ এজন ভক্তৰো মৃত্যু হয়। মৃত্যু হোৱা লোকজন হাইলাকান্দিৰ নীতিৰঞ্জন পাল বুলি জানিব পৰা গৈছে। ইফালে পদপিষ্টৰ ঘটনাৰ পাছতে প্ৰশাসনে অমৃত স্নান বাতিল কৰিছে।

উল্লেখযোগ্য যে মহাকুম্ভ মেলাৰ ইতিহাসত এনে পদপিষ্টৰ ঘটনা এয়াই নতুন নহয়, ইয়াৰ পূৰ্বেও মহাকুম্ভ মেলাত পদপিষ্টৰ ঘটনা সংঘটিত হৈছিল। সেই কৰুণ ঘটনাই কুম্ভ মেলাৰ ইতিহাসক ৰাঙলী কৰি ৰাখিছে।

Share This