ঔৰংজেৱৰ সমাধিস্থল আঁতৰোৱাৰ দাবীত মহাৰাষ্ট্ৰত প্ৰতিবাদ 

dainik janambhumi March 18, 2025

ডিজিটেল ডেস্কঃ সোমবাৰে বিশ্ব হিন্দু পৰিষদে (ভি এইচ পি) মহাৰাষ্ট্ৰৰ বিভিন্ন স্থানত চৰকাৰী কাৰ্যালয়ত প্রতিবাদ সাব্যস্ত কৰে আৰু ঔৰংজেৱৰ সমাধিস্থল আঁতৰাবলৈ দাবী জনাই স্মাৰক-পত্ৰ প্ৰদান কৰে।

 মুখ্যমন্ত্রী দেৱেন্দ্ৰ ফড়নবিছলৈ প্ৰেৰণ কৰা স্মাৰক-পত্রসমূহত ভি এইচ পিয়ে কয় যে ধৰ্মান্তৰিত হ'বলৈ অমান্তি হোৱা বাবে ঔৰংজেৱে শিখ গুৰু গোবিন্দ সিঙৰ দুজন পুত্ৰক হত্যা কৰিছিল আৰু মাৰাঠা যোদ্ধা ৰজা ছত্ৰপতি সম্ভাজী মহাৰাজক অত্যাচাৰ-হত্যা কৰিছিল তথা কাশী, মথুৰা, সোমনাথ মন্দিৰ ধ্বংস কৰিছিল। 

ভি এইচ পিয়ে সকীয়াই দিয়ে যে চৰকাৰে কোনো ব্যৱস্থা গ্রহণ নকৰিলে তেওঁলোকে ছত্রপতি সম্ভাজী জিলালৈ সমদল-যাত্রা কৰিব আৰু ঔৰংজেৱৰ সমাধিস্থল ভাঙি পেলাব।

 ইফালে ঔৰংজেৱৰ -সমাধিস্থলৰ বিৰুদ্ধে ভি এইচ পিৰ প্রতিবাদ আৰু সকীয়নিৰ পৰিপ্ৰেক্ষিতত প্রশাসনে মোগল সম্রাট ঔৰংজেৱৰ সমাধিস্থলত নিৰাপত্তা ব্যৱস্থা বৃদ্ধি কৰিছে। 

এতিয়াৰ মহাৰাষ্ট্ৰৰ ছত্ৰপতি সম্ভাজীনগৰ জিলাত থকা উক্ত সমাধিস্থলত প্ৰৱেশ কৰাৰ আগতে দর্শনার্থীয়ে পৰিচয়-পত্র দাখিল কৰাটো বাধ্যতামূলক কৰা হৈছে।

Share This