নেপালী ১০০ টকীয়া ন'টত চিত্ৰিত ভাৰতীয় ভূখণ্ড থকা মানচিত্র

dainik janambhumi November 29, 2025

ডিজিটেল ডেস্ক : ভাৰতৰ তিনিটা অঞ্চলক নিজৰ মানচিত্ৰত অন্তর্ভুক্ত কৰি নেপালে বৃহস্পতিবাৰে ইয়াৰ এখন নতুন ১০০ টকীয়া ন'ট মুকলি কৰিছে। ভাৰতৰ কালাপানী, লিপুলেখ আৰু লিম্পীয়াধুৰা অঞ্চলক নেপালৰ অংশ হিচাপে এখন মানচিত্র ১০০ টকীয়া ন'টখনত চিত্রিত কৰি নেপালত মুকলি কৰা ঘটনাটোৱে ভাৰতত ব্যাপক চাঞ্চল্যৰ সৃষ্টি কৰিছে। 

নেপাল ৰাষ্ট্ৰ বেংকৰ প্ৰাক্তন গৱৰ্নৰ মহাপ্ৰসাদ অধিকাৰীৰ স্বাক্ষৰসম্বলিত ন'টখন বৃহস্পতিবাৰে মুকলি কৰে দেশখনে। বৰ্তমানৰ চৰকাৰখনৰ সিদ্ধান্ত মর্মেই এই সংশোধিত ১০০ টকীয়া ন'টখন জাৰি কৰা হৈছে বুলি দেশখনৰ ৰাষ্ট্ৰ বেংকটোৱে সদৰী কৰিছে। 

উল্লেখযোগ্য যে ২০২০ চনৰ মে'ত নেপালৰ প্ৰাক্তন প্রধানমন্ত্রী কে পি শর্মা অলিৰ চৰকাৰখনে দেশখনৰ এখন নতুন ৰাজনৈতিক মানচিত্ৰ জাৰি কৰিছিল, য'ত ভাৰতৰ তিনিওটা অঞ্চলক নেপালৰ অংশ হিচাপে দেখুওৱা হৈছিল আৰু নেপালী সংসদে এই মানচিত্রখনক অনুমোদন জনাইছিল।

Share This