আমেৰিকাত মিচেলিনৰ মনোগ্রাহী অনুষ্ঠান

dainik janambhumi July 17, 2025

ডিজিটেল ডেস্ক : প্রখ্যাত হোটেল ব্যাৱসায়িক প্রতিষ্ঠান মিচেলিনে যোৱা ১১ জুলাইত আমেৰিকাত অসমৰ চাহৰ দুশ বছৰ উপলক্ষে এক মনোগ্ৰাহী অনুষ্ঠানৰ আয়োজন কৰে। আমেৰিকাস্থিত মিচেলিনৰ তাৰকা খাদ্য প্রস্তুতকর্তা বিকাশ খান্নাৰ ৰেস্তোৰাঁত এই অনুষ্ঠানৰ আয়োজন কৰা হয়। অনুষ্ঠানত বিহু নৃত্য পৰিৱেশন, ভমকাফুলীয়া গামোচাৰ প্ৰদৰ্শন কৰা হয়। এই অনুষ্ঠানলৈ অসমৰ গুৱাহাটী নিৱাসী ডাঃ মনোজ গোস্বামী আৰু গীতিকা গোস্বামীৰ কনিষ্ঠ কন্যা কংকনা গোস্বামী আমন্ত্রিত হৈ বিহু নৃত্য প্রদর্শন কৰি ভূয়সী প্রশংসা অর্জন কৰে। 

পৰম্পৰাগত অসমীয়া খাদ্য সম্ভাৰ যেনে- তিলৰ লাৰু, ভোট জলকীয়া, বাঁহৰ গাজৰ আচাৰেও অনুষ্ঠানটিত বিশেষ স্থান লাভ কৰে। অসমৰ চাহক কেন্দ্ৰ কৰি ৰূপায়িত হোৱা এই কার্যসূচীত ভালেসংখ্যক প্ৰৱাসী অসমীয়াই যোগদান কৰি অনুষ্ঠানটো সাফল্যমণ্ডিত কৰে। 

ইয়াৰ ফলত চাহৰ লগতে অন্যান্য অসমীয়া খাদ্য সম্ভাৰে বিশ্বৰ বজাৰত সুকীয়া মাত্ৰা লাভ কৰিব বুলি আশা প্রকাশ কৰিছে ব্যাৱসায়িক প্রতিষ্ঠান মিচেলিনে।

Share This