এদিনীয়া দ্ৰুত ২০০ উইকেট দখল ছামীৰ

dainik janambhumi February 21, 2025

ডিজিটেল ডেস্ক: তাৰকা পেচাৰ মহম্মদ ছামী এদিনীয়া আন্তর্জাতিক ক্রিকেটত ২০০ উইকেট লাভ কৰা দ্রুততম ভাৰতীয় বলাৰত পৰিণত হৈছে। বাংলাদেশৰ বিৰুদ্ধে বৃহস্পতিবাৰে চেম্পিয়নছ ট্রফী ক্রিকেটত সেই কৃতিত্ব অর্জন কৰে পেচাৰ ছামীয়ে। খেলখনত ৫৩ ৰানত মুঠ ৫টা উইকেট দখল কৰি আই চি চিৰ ইভেণ্টত নিজৰ প্ৰত্যাৱৰ্তন আকর্ষণীয় কৰি তোলে। নিজৰ ১০৪সংখ্যক খেলত তিনিটা উইকেট দখল কৰি সেই অভিলেখৰ গৰাকী হয়।

ছামীয়ে তেনেদৰেই ভাৰতৰ প্ৰাক্তন পেচাৰ অজিত আগৰকাৰৰ ১৩৩খন খেলত ২০০ উইকেট লাভৰ ৰেকৰ্ড ম্লান কৰে। বাংলাদেশৰ ইনিংছত পৰৱৰ্তী সময়ত আন দুটা উইকেট দখল কৰি ৫৩ ৰানত মুঠ ৫টা চিকাৰ সম্পূৰ্ণ কৰে ছামীয়ে। আই চি চি ইভেণ্টত সর্বাধিক সফল বলাৰতো পৰিণত হয় ছামী। অষ্ট্ৰেলিয়াৰ বাওঁহতীয়া পেচাৰ মিচেল ষ্টার্কে ১০২খন এদিনীয়াত দ্রুত গতিত ২০০ উইকেট দখলৰ তালিকাত শীর্ষস্থানত আছে আৰু সামগ্রিকভাৱে ৩৪ বছৰীয়া ছামী দ্বিতীয় স্থানত ৰৈছে। এদিনীয়াত ২০০ উইকেট দখল কৰা অষ্টমগৰাকী ভাৰতীয় বলাৰত পৰিগণিত হৈছে ছামী।

Share This