দেশত সক্রিয় কভিড ৰোগীৰ সংখ্যা ৫ সহস্রাধিক

dainik janambhumi June 07, 2025

ডিজিটেল ডেস্ক : ভাৰতত সক্ৰিয় কভিড ৰোগীৰ সংখ্যা ৫ সহস্রাধিক হ'লগৈ। ৰাজ্যসমূহৰ ভিতৰত কভিড ৰোগীৰ সংখ্যা আটাইতকৈ বেছি আছে কেৰালাত। তাৰ পাছতে আছে ক্রমে গুজৰাট, পশ্চিম বংগ আৰু দিল্লী। শুকুৰবাৰে জাৰি কৰা কেন্দ্ৰীয় স্বাস্থ্য মন্ত্ৰ্যালয়ৰ তথ্যত এই কথা প্রকাশ পাইছে। উল্লেখযোগ্য যে কৰ'নাৰ সংক্ৰমণ বৃদ্ধি পোৱা পৰিপ্ৰেক্ষিতত কেন্দ্ৰীয় চৰকাৰে কভিড-১৯-ৰ বিৰুদ্ধে সষ্টমতা পৰীক্ষা কৰিবলৈ দেশত মক-ড্রিলো চলাই আছে। 

কেন্দ্ৰীয় চৰকাৰে সকলো ৰাজ্য আৰু কেন্দ্ৰীয় শাসিত অঞ্চলক অক্সিজেন, আইছ'লেশ্যন, বে'ড, ভেন্টিলেটৰ আৰু অত্যাৱশ্যকীয় ঔষধৰ সহজলভ্যতা নিশ্চিত কৰিবলৈ নিৰ্দেশ দিছে। যোৱা ২৪ ঘণ্টাত ভাৰতত সক্ৰিয় কভিড ৰোগীৰ সংখ্যা হৈছে ৫,৩৬৩জন আৰু কৰ'নাৰ সংক্ৰমণৰ পাছত মৃত্যু হোৱা লোকৰ সংখ্যা হৈছে ৪জন। 

চৰকাৰী বিষয়াই জনোৱা মতে বেছিভাগ কভিড ৰোগীৰে অৱস্থা শোচনীয় নহয় আৰু ঘৰতে কৰা চিকিৎসাতে ভাল হৈছে। আনহাতে, যোৱা জানুৱাৰীৰ পৰা দেশত কভিডত ৫৫জন লোকৰ মৃত্যু হৈছে।

Share This