বাগেশ্বৰ ধামত সমূহীয়া বিবাহত অংশ লʼলে ৰাষ্ট্ৰপতি দ্ৰৌপদী মুৰ্মুৱে

Dainik janambhumi February 27, 2025

ডিজিটেল ডেস্কঃ ৰাষ্ট্ৰপতি দ্রৌপদী মুৰ্মুৱে বুধবাৰে মধ্য প্ৰদেশৰ চট্টৰপুৰ জিলাৰ বাগেশ্বৰ ধামত আয়োজন কৰা এটা সমূহীয়া বিবাহ অনুষ্ঠানত অংশগ্রহণ কৰে।

এই অনুষ্ঠানত মধ্য প্ৰদেশৰ ৰাজ্যপাল মংগুভাই পেটেল, মুখ্যমন্ত্রী ড° মোহন যাদৱকে ধৰি বহুকেইগৰাকী ক্রিকেট খেলুৱৈ, শিল্পী তথা আন বিশিষ্ট ব্যক্তিসকল উপস্থিত থাকে। ৰাষ্ট্ৰপতি গৰাকীয়ে মঙলবাৰে বিহাৰৰ পাটনা চিকিৎসা মহাবিদ্যালয় আৰু হস্পিটেলৰ শতবার্ষিকী উদযাপন সমাৰোহত অংশ লয়।

আজি মুর্মুৱে গুজৰাটৰ কেৱাৰিয়াৰ ঐক্যতা দক্ষতা বিকাশ কেন্দ্ৰ পৰিদৰ্শন কৰাৰ লগতে আহমেদাবাদৰ নেশ্যনেল ইনষ্টিটিউট অব ডিজাইনৰ ৪৪সংখ্যক দীক্ষান্ত সমাৰোহত অংশগ্ৰহণ কৰিব।

Share This