নলবাৰীৰ এহাল ৰোগাক্ৰান্ত পিতা-পুত্ৰৰ দুর্বিষহ জীৱন কাহিনী

Kakali Deka March 25, 2025

ডিজিটেল ডেস্কঃ নলবাৰীৰ এহাল ৰোগাক্ৰান্ত পিতা-পুত্ৰৰ দুর্বিষহ জীৱন কাহিনী। নৱগঠিত নলবাৰী সমষ্টি তথা মুকালমুৱা থানাৰ অন্তৰ্গত ঘোগা গাঁৱৰ এহাল অসহায় পিতা-পুত্ৰৰ জীৱনৰ দুখে আৱেগিক কৰি তুলিব আপোনাকো। 

তেওঁলোকক আজিলৈকে কোনো চৰকাৰী আঁচনিয়ে ঢুকি নোপোৱাত এতিয়া চৰ্চা লাভ কৰিছে সমগ্ৰ অঞ্চলটোত। ঘোগা গাঁৱৰ দৰিদ্ৰ লোক আতাউৰ ৰহমান শইকীয়া দীৰ্ঘদিন ধৰি ভৰিৰ দুৰাৰোগ্য ৰোগত আক্ৰান্ত হৈ অচল হৈ পৰাৰ লগতে তেওঁৰ পুত্ৰ আছিকুৰ ৰহমান শইকীয়াও বিশেষ ভাৱে সক্ষম। আজিলৈকে চৰকাৰৰ কোনো আচনি বা সুবিধাই ঢুকি পোৱা নাই দিশহাৰা ‍পৰিয়ালটিক। 

পৰিয়ালটিৰ একমাত্ৰ উপাৰ্জনকাৰী আতাউৰ ৰহমানে চিকিৎসাৰ নামত বহু টকা ব‍্যয় কৰিছে যদিও কোনো সুফল পোৱা নোপাৱাত আৰ্থিকভাৱে কোঙা হৈ পৰিছে। দৈনন্দিন জীৱন নিৰ্বাহৰ বাবে এতিয়া হাহাকাৰ কৰিব লগা হৈছে পৰিয়ালটিয়ে। 

 

বিভিন্ন চৰকাৰী কৰ্তৃপক্ষৰ লগত যোগাযোগ কৰিয়ো কোনো সঁহাৰি নোপোৱাত এতিয়া নলবাৰী সমষ্টিৰ বিধায়ক তথা মন্ত্ৰী জয়ন্ত মল্ল বৰুৱালৈ সম্ভাব‍্য সকলো চৰকাৰী আঁচনিৰ লগতে সকলো সা-সুবিধা দিয়াৰ বাবে কাতৰ আহ্বান জনায় পৰিয়ালটিয়ে।

আৰ্থিকভাৱে দুৰ্বল পৰিয়ালটোলৈ সহায়ৰ হাত আগবঢ়াবলৈ মন্ত্ৰী জয়ন্ত মল্ল বৰুৱাক আহ্বান জনালে অঞ্চলটোৰ ৰাইজেও।

 

উৎস প্ৰাগ নিউজ ডিজিটেল

Share This