নৰেন্দ্ৰ মোদী দেশৰ সৰ্বশ্ৰেষ্ঠ প্ৰধানমন্ত্ৰী 

Dainik janambhumi February 15, 2025

ডিজিটেল ডেস্ক: ভাৰতৰ সৰ্বশ্রেষ্ঠ প্রধানমন্ত্রী কোন- ই এটা বিতর্কিত বিষয়। কংগ্ৰেছৰ সমৰ্থকসকলে পণ্ডিত জৱাহৰলাল নেহৰু আৰু বিজেপিয়ে নৰেন্দ্ৰ মোদীক দেশৰ সৰ্বশ্রেষ্ঠ প্ৰধানমন্ত্ৰী বুলি দাবী কৰে। কিছুসংখ্যক লোকে মোদীৰ সৈতে নেহৰু আৰু ইন্দিৰা গান্ধীৰ তুলনা কৰে। কিন্তু শেহতীয়াকৈ চলোৱা এটা সমীক্ষাত অধিকাংশ লোকে নৰেন্দ্ৰ মোদীক দেশৰ সৰ্বশ্রেষ্ঠ প্রধানমন্ত্রী বুলি‌ ৰায় দিয়ে। 

'ইণ্ডিয়া টুডে-চি ভোটাৰে' চলোৱা 'মুড অব্ দ্য নেশ্যন' নামৰ সমীক্ষাটোত ৫০.৭% লোকে নৰেন্দ্ৰ মোদীক দেশৰ সৰ্বশ্রেষ্ঠ প্রধানমন্ত্রী বুলি ৰায় দিয়ে। আনহাতে ইন্দিৰা গান্ধীক দেশৰ সৰ্বশ্রেষ্ঠ প্রধানমন্ত্রী বুলি কয় ১০.৩% আৰু মনমোহন সিঙৰ পক্ষে মত পোষণ কৰে ১৩.৬% লোকে। মাত্র ৫.২% লোকে পণ্ডিত নেহৰুক দেশৰ সৰ্বশ্রেষ্ঠ প্রধানমন্ত্রী বুলি অভিহিত কৰে। আনহাতে অটল বিহাৰী বাজপেয়ীক দেশৰ সৰ্বশ্রেষ্ঠ প্রধানমন্ত্রী বুলি ৰায় দিয়ে ১১.৮% লোকে। সমীক্ষাটোত এই বুলি প্রশ্ন কৰা হৈছিল যে এতিয়াই যদি লোক সভাৰ নিৰ্বাচন অনুষ্ঠিত হয়, তেতিয়া কোনে কেন্দ্রত ক্ষমতা দখল কৰিব? ইয়াৰ উত্তৰত কেন্দ্ৰত এন ডি এই পুনৰ ক্ষমতা দখল কৰিব বুলি কয়। সমীক্ষাটোৰ মতে, অধিকাংশ লোকে এই বুলি কয় যে দেশত এতিয়া সাধাৰণ নির্বাচন হ'লে এন ডি এই ৩৪৩খন আৰু ইণ্ডিয়া মর্চাই ১৮৮খন আসন লাভ কৰিব। অন্যান্যই পাব ১৩খন আমান।

Share This