জীৱনৰ নতুন অধ্যায় আৰম্ভ কৰিলে অলিম্পিক পদক বিজয়ী নীৰজ চোপ্ৰাই

Kakali Deka January 20, 2025

ডিজিটেল ডেস্ক :  জীৱনৰ নতুন অধ্যায় আৰম্ভ কৰিলে অলিম্পিক পদক বিজয়ী নীৰজ চোপ্ৰাই। বিবাহপাশত আবদ্ধ হ’ল নীৰজ চোপ্ৰা। কিন্তু কাৰ সৈতে বিয়াত বহিল জেভলিন ছুপাৰষ্টাৰগৰাকী?

মেডেল নহয়, এইবাৰ ডিঙিত বৰমালা পিন্ধা অৱস্থাত দেখা গ'ল অলিম্পিক পদক বিজয়ী নীৰজ চোপ্ৰাক। কিয়নো সপোনকোঁৱৰ নীৰজ চোপ্ৰা আবদ্ধ হ’ল বিবাহপাশত।হয়, ঠিকেই শুনিছে ৷ প্ৰায় গোপনেই হৈ গ'ল বিয়াখন ৷ জেভলিন থ্ৰ’ৰ জৰিয়তে বহু যুৱতীৰ হৃদয়ত ঠাই লোৱা খেলুৱৈ নীৰজ চোপ্ৰাই কোনোৱে গম নোপোৱাকৈয়ে জীৱনৰ নতুন এক মধুৰ অধ্যায়ৰ পাতনি মেলিলে ৷  ইনষ্টাগ্ৰামৰ জৰিয়তে খেলুৱৈগৰাকীয়ে তেওঁৰ বিয়াৰ ফটো ছ’চিয়েল মিডিয়াত প'ষ্ট কৰি জীৱনসংগী হিমানীৰ সৈতে থকা কেইবাখনো ফটো শ্বেয়াৰ কৰে ।

আনহাতে, ছ’চিয়েল মিডিয়াত ফটো প'ষ্ট কৰি তেওঁ সামাজিক মাধ্যমত লিখিছে এনেদৰে- "পৰিয়ালৰ সৈতে জীৱনৰ নতুন অধ্যায় আৰম্ভ কৰিলোঁ । মই সকলোৰে ওচৰত চিৰকৃতজ্ঞ, আমাক ইমানখিনি সহায়-সহযোগ কৰাৰ বাবে ৷ প্ৰেমৰ এই বান্ধোন, সুখেৰে সকলো পাৰ হওক । নীৰজহিমানী ।"

উল্লেখ্য যে পেৰিছ ২০২৪ অলিম্পিকত অভিলেখ ভংগকাৰী দূৰত্বলৈ জেভেলিন থ্ৰ’ কৰা ভাৰতৰ অন্যতম শ্ৰেষ্ঠ খেলুৱৈ হিচাপে পৰিগণিত হৈছিল নীৰজ চোপ্ৰা । পেৰিছ অলিম্পিকত স্বৰ্ণজয়ৰ পাছত পাহোৱাল নীৰজ চোপ্ৰা বহু কম সময়তে ভাৰতীয় যুৱতীৰ বাবে এক 'ক্ৰাছ' হৈ পৰিছিল ৷ নীৰজে তেওঁৰ বিবাহৰ কথা গোপনে ৰাখিছিল। আৰু সেয়ে তেওঁৰ বিবাহৰ ফটোৱে অনুৰাগীসকলক সামাজিক মাধ্যমত আচৰিত কৰি তোলা পৰিলক্ষিত হয়।

Share This