ন-কইনাৰ কু-কাণ্ড!সকলো হতভম্ব

Kakali Deka February 17, 2025

ডিজিটেল ডেস্কঃ সাত জনমলৈ এক হৈ থাকিম বুলি হোমৰ গুৰিত সাক্ষী কৰি লৈ অনা কইনাজনীয়ে দৰাক কৰিলে প্ৰতাৰণা৷ শহুৰৰ ঘৰত কইনা প্ৰৱেশ কৰাৰ পাছতেই ঘটিল অথন্তৰ৷ উত্তৰ প্ৰদেশৰ মহাৰাজগঞ্জত সংঘটিত হৈছে এক চাঞ্চল্যকৰ ঘটনা৷ লাখ লাখ টকাৰ গহনা লৈ কইনাৰ পলায়ন৷ এতিয়া দৰাজনে থানালৈ তাঁত-বাটি কাঢ়ি থাকিবলগীয়া হৈছে। বৰ্তমান তেওঁ কইনাৰ বিৰুদ্ধে এজাহাৰ দাখিল কৰিছে। আৰক্ষীয়ে কইনাৰ সন্ধান আৰম্ভ কৰিছে।

 

গোটেই ঘটনাটো মহাৰাজগঞ্জৰ ঘুঘলী থানা এলেকাৰ ৰামপুৰ বলদিহাৰ। ইয়াৰে বাসিন্দা মনীষৰ বিবাহ ৭ ফেব্ৰুৱাৰীত কোঠীভাৰ থানা এলেকাৰ এগৰাকী যুৱতীৰ সৈতে সম্পন্ন হয়। ১০ ফেব্ৰুৱাৰীত কইনাজনী শহুৰেকৰ ঘৰলৈ আহে। ঘৰৰ ভিৰ-ভাৰৰ বাবে দৰাৰ ভনীয়েকে নিজৰ গহনা আদি কইনাৰ কোঠাত ৰাখিছিল।

 

বিয়াত পত্নীক ৩.৫ লাখ টকাৰ গহনা দিছিল বুলি স্বামীয়ে জনাইছে। ইয়াৰ লগতে সেই কোঠাত প্ৰায় ২.৫ লাখ টকাৰ গহনা তেওঁৰ ভগ্নীৰ আছিল। এই সকলো গহনা লৈ নতুন কইনা পলাই যায়। আৰক্ষীক দিয়া এজাহাৰত স্বামীয়ে লিখিছে যে ১১ ফেব্ৰুৱাৰীৰ নিশা প্ৰায় ৮ বজাত সকলোৱে ঘৰতে খাদ্যৰ ব্যৱস্থা কৰাত ব্যস্ত হৈ পৰিছিল, কইনাগৰাকীয়ে তাৰে সুযোগ গ্ৰহণ কৰি কোঠাটোত ৰখা সকলো গহনা চুৰি কৰি পলায়ন কৰে।

 

উৎসঃপ্ৰাগ নিউজ ডিজিটেল

Share This