হৰমুজ প্রণালী মুকলি কৰিলেই ইৰানৰে যুদ্ধ-বিৰতি হ'ব, মার্কিন সংবাদ মাধ্যম 'এক্সিয়ছ'ৰ বাতৰি

dainik janambhumi April 03, 2026

ডিজিটেল ডেস্ক : আমেৰিকা আৰু ইৰানৰ মাজত সম্ভাব্য যুদ্ধ-বিৰতি সন্দৰ্ভত আলোচনা অব্যাহত আছে। তেহৰানে হৰমুজ প্রণালী পুনৰ মুকলি কৰি দিলেই দেশদুখনৰ মাজত যুদ্ধ-বিৰতি হোৱাৰ সম্ভাৱনা আছে। 

আমেৰিকাৰ সংবাদ প্রতিষ্ঠান 'এক্সিয়ছ'-এ এই তথ্য প্রকাশ কৰিছে। তদুপৰি, প্ৰতিষ্ঠানটোৱে প্রকাশ কৰিছে যে ইৰানৰে যুদ্ধ বিৰতি সন্দৰ্ভত মার্কিন ৰাষ্ট্ৰপতি ট্রাম্পে ছৌডিৰ যুৱৰাজ মহম্মদ বিন ছলমানৰ লগতো টেলিফ'নিক বাৰ্তালাপ কৰিছে। 

ইফালে, ড'নাল্ড ট্রাম্পে 'ট্রুথ ছ'চিয়েল'ত প্রকাশ কৰিছে যে ইৰানৰ ৰাষ্ট্ৰপতি মাছুদ পেজেস্কিয়ানে যুদ্ধ-বিৰতি চুক্তি কৰিব বিচাৰিছে। কিন্তু হৰমুজ প্রণালী সম্পূর্ণ মুকলি কৰি নিদিয়ালৈকে যুদ্ধ-বিৰতি নহ'ব বুলি ট্রাম্পে প্রকাশ কৰিছে। 

মার্কিন ৰাষ্ট্ৰপতিজনে উল্লেখ কৰে যে হৰমুজ প্রণালী মুকলি কৰি নিদিয়ালৈকে ইৰানৰ ওপৰত আক্রমণ অব্যাহত থাকিব। ইফালে, ইৰানৰ বিদেশ মন্ত্ৰ্যালয়ৰ এটা সূত্রই প্ৰকাশ কৰিছে যে মার্কিন ৰাষ্ট্ৰপতিৰ ভাষ্য সম্পূর্ণ মিছা আৰু ভিত্তিহীন।

Share This