একেখন ৰভাতলীতে দুগৰাকী ক‌ইনাৰ লগত বিবাহপাশত আবদ্ধ হʼল এজন দৰা 

Kakali Deka March 30, 2025

ডিজিটেল ডেস্কঃ কথা এষাৰ আছে "এক ফুল দো মালী "। এটা বিয়াৰ মণ্ডপ আৰু মণ্ডপটোৰ ওচৰত আছে এজন দৰা আৰু দুগৰাকী ক‌ইনা । আপোনাৰ হয়তো অলপ অবিশ্বাস্য যেন লাগিব পাৰে কিয়নো একেটা মণ্ডপতে একেজন যুৱকৰ সৈতে দুগৰাকী যুৱতী বিবাহপাশত আবদ্ধ হʼব পাৰেনে ? 
কিন্তু এই ঘটনাটো সত্য।

এই ঘটনাটো সংঘটিত হৈছে তেলেংগানাৰ কোমাৰাম ভীম আছিফাবাদ জিলাত। সূৰ্যদেৱ নামৰ এজন লোকে একে সময়তে দুগৰাকী যুৱতীৰে বিবাহপাশত আবদ্ধ হয়। যুৱতী দুগৰাকীৰ নাম হʼল  ঝলকাৰী দেৱী আৰু লাল দেৱী ।

 সূর্যদেৱৰ  বিয়াৰ নিমন্ত্ৰণী পত্ৰখনতো আছিল দুয়োগৰাকী কইনাৰে নাম । বিবাহ অনুষ্ঠানত তেওঁলোকে বহু অতিথিক নিমন্ত্রণ জনাইছিল।
আত্মীয়-স্বজন আৰু বন্ধু-বান্ধৱৰ উপস্থিতিত তেওঁলোকৰ বিবাহ সম্পন্ন হয়। 

জানিব পৰা মতে,  সূর্যদেৱৰ ঝলকাৰী দেৱী আৰু লাল দেৱীৰ  সৈতে  প্ৰেমৰ সম্পৰ্ক গঢ় লৈ উঠাৰ পাছত তেওঁলোক তিনিও একেলগে থকাৰ সিদ্ধান্ত লয়। প্ৰথম  অৱস্থাত তেওঁলোকৰ আত্মীয়সকলে এই বিয়াখনক লৈ একেবাৰে সন্তুষ্ট নাছিল যদিও তেওঁলোক তিনিওৰে শান্তিৰ বাবে সকলোৱে এই বিয়াখনত মান্তি হৈছিল ।

 ইতিমধ্যে এই বিয়াখনৰ  ভিডিঅ' পোহৰলৈ আহিছে।  ভিডিঅ'টোত  লাল দেৱী আৰু ঝলকাৰী দেৱীয়ে ৰীতি-নীতিৰ সময়ত সূর্যদেৱৰ হাতত ধৰি থকা দেখা গৈছে। 

 ইয়াৰ আগতেও ২০২১ বর্ষত তেলেংগানাৰ আদিলাবাদ জিলাত এজন লোকে একেখন মণ্ডপতে দুগৰাকী যুৱতীক বিয়া কৰাইছিল।

Share This