প্ৰতিযোগিতাৰ পৰা বাহিৰ পাকিস্তান-বাংলাদেশ

Kakali Deka February 25, 2025

প্ৰতিযোগিতাৰ পৰা বাহিৰ পাকিস্তান-বাংলাদেশ
ভাৰতৰ সৈতে ছেমি ফাইনেলত স্থান নিশ্চিত নিউজিলেণ্ডৰ!

ডিজিটেল ডেস্কঃ ৰাচিন ৰবীন্দ্ৰৰ শতকেৰে নিউজিলেণ্ডক চেম্পিয়নছ ট্ৰফী ২০২৫ত একেৰাহে দ্বিতীয়টো জয় পঞ্জীয়ন কৰে । সোমবাৰে ৰাৱালপিণ্ডি ক্ৰিকেট ষ্টেডিয়ামত বাংলাদেশক ৫ উইকেটত পৰাস্ত কৰে নিউজিলেণ্ডে । নিউজিলেণ্ডে ৪৬.১ অ'ভাৰত ৫ উইকেট বাংলাদেশে নিৰ্ধাৰণ কৰি দিয়া ২৩৭ ৰানৰ লক্ষ্যত উপনীত হয় আৰু ছেমি ফাইনেলত স্থান নিশ্চিত কৰে ৷

ভাৰতৰ উপৰি পাকিস্তান, নিউজিলেণ্ড আৰু বাংলাদেশক গ্ৰুপ এত স্থান দিয়া হৈছে। আনহাতে, ইংলেণ্ড, দক্ষিণ আফ্ৰিকা আৰু আফগানিস্তানক অষ্ট্ৰেলিয়াৰ সৈতে গ্ৰুপ বিত স্থান দিয়া হৈছে। অৱশ্যে পইণ্ট টেবুললৈ লক্ষ্য কৰিলে পইণ্ট টেবুলৰ শীৰ্ষত আছে দক্ষিণ আফ্ৰিকা। আনহাতে অষ্ট্ৰেলিয়াই দ্বিতীয় স্থান দখল কৰিছে।

পাকিস্তান আৰু বাংলাদেশে দুখনকৈ মেচত পৰাজয়ৰ সন্মুখীন হৈছে । নিউজিলেণ্ডৰ বিৰুদ্ধে পাকিস্তান ৬০ ৰানত পৰাস্ত হোৱাৰ বিপৰীতে ভাৰতে ৬ উইকেটত পৰাস্ত কৰে । আনহাতে বাংলাদেশে অভিযানৰ প্রথমখন খেলত ভাৰতৰ হাতত ৬ উইকেটত আৰু দ্বিতীয়খন খেলত নিউজিলেণ্ডৰ হাতত ৫ উইকেটত পৰাস্ত হয়৷

যদিও দক্ষিণ আফ্ৰিকা আৰু নিউজিলেণ্ডৰ ২-২ পইণ্টৰ সমান, কিন্তু টেম্বা বাভুমাৰ অধিনায়কত্বত থকা দক্ষিণ আফ্ৰিকাৰ নেট ৰান ৰেট অষ্ট্ৰেলিয়াতকৈ ভাল। দক্ষিণ আফ্ৰিকাৰ নেট ৰান ৰেট ২.১৪০। আনহাতে অষ্ট্ৰেলিয়াৰ নেট ৰান ৰেট ০.৪৭৫। দক্ষিণ আফ্ৰিকাই আফগানিস্তানক পৰাস্ত কৰি এই প্ৰতিযোগিতাৰ আৰম্ভণি কৰে। একে সময়তে ইংলেণ্ড আৰু আফগানিস্তানে প্ৰথম জয়ৰ বাবে অপেক্ষা কৰি আছে। অৱশ্যে এই গ্ৰুপৰ পৰাই ছেমি ফাইনেলত প্ৰৱেশৰ বাবে দক্ষিণ আফ্ৰিকা আৰু অষ্ট্ৰেলিয়াৰ দলসমূহ শক্তিশালী প্ৰতিদ্বন্দ্বী বুলি ধাৰণা কৰা হৈছে।

এই জয়ৰ জৰিয়তে আয়োজক পাকিস্তান আৰু বাংলাদেশ প্ৰতিযোগিতাৰ পৰা বাহিৰ হোৱাৰ বিপৰীতে নিউজিলেণ্ড আৰু ভাৰতে ছেমি ফাইনেলত স্থান দখল কৰিছে । ২ মাৰ্চ দেওবাৰে ভাৰত আৰু নিউজিলেণ্ডৰ মাজত অনুষ্ঠিত হ’বলগীয়া খেলখন এতিয়া আনুষ্ঠানিকতাত পৰিণত হৈছে আৰু কোনটো দলে গ্ৰুপত শীৰ্ষস্থান দখল কৰিব সেইটো নিৰ্ণয় কৰিব ।

উৎস- প্ৰাগ নিউজ ডিজিটেল

বাতিল কৰা হ'ল উচ্চতৰ মাধ্যমিক প্ৰথম বৰ্ষৰ বাকী থকা পৰীক্ষা