পাকিস্তান-বাংলাদেশৰ গোপন সামৰিক চুক্তি

dainik janambhumi August 03, 2025

ডিজিটেল ডেস্কঃ ভাৰতৰ বিৰুদ্ধে কূটকৌশল ৰচনাৰ বাবে দুই চুবুৰীয়া দেশ, পাকিস্তান আৰু বাংলাদেশে চাৰি মাহ পূর্বে কৰা এখন সামৰিক চুক্তিৰ বিষয়ৰ তথ্য শেহতীয়াকৈ পোহৰলৈ আহিছে। ভাৰতীয় চোৰাংচোৱা সংস্থাই শেহতীয়াকৈ তথ্য উদ্ধাৰ কৰিছে যে চলিত বৰ্ষৰ ১৫ এপ্ৰিলৰ পৰা ১৯ এপ্রিললৈকে পাকিস্তান বায়ু সেনা (পি এ এফ) আৰু বাংলাদেশ বায়ু সেনাৰ (বি এ এফ) মাজত সামৰিক বুজাবুজিৰ বাবে এলানি গোপন আলোচনা সম্পন্ন হৈছিল।

এই গোপন আলোচনাৰ সময়ত দুই চুবুৰীয়া দেশে ইছলামাবাদ আৰু ঢাকাৰ মাজত সামৰিক অংশীদাৰিত্বৰ বাবে এখন চুক্তি স্বাক্ষৰ কৰে। এই চুক্তিৰ বিষয়ৰ তথ্য ভাৰতীয় চোৰাংচোৱাৰ উচ্চস্তৰীয় সূত্ৰই সদৰী কৰি কয় যে দুয়োখন দেশৰ এই সামৰিক মিতিৰালিয়ে ভাৰতৰ সুৰক্ষাৰ প্ৰতি ভাবুকিৰ সৃষ্টি

চোৰাংচোৱাই তথ্য উদ্ধাৰ কৰিছে যে পাকিস্তানী বায়ু সেনাৰ মুৰব্বী আৰু বাংলাদেশ সশস্ত্র বাহিনীৰ শীর্ষ বিষয়াসকলৰ মাজত দুয়োখন দেশৰ সামৰিক তথ্যৰ ব্যাপকভাবে বিনিময় কৰা হয়। দুয়োখন দেশৰ মাজত ড্র'নেৰে যুদ্ধশৈলী, কৌশলগত যোগাযোগ, মহাকাশৰ পৰা তথ্য আহৰণ, চাই বাৰ যুদ্ধশৈলীৰ লগতে আনকি ৰাজনৈতিকভাৱে কোনো দেশক কেনেকৈ অস্থিৰ কৰিব পৰা যায়, সেই সকলো বিষয় সামৰি আলোচনা কৰা হয়। উল্লেখযোগ্য যে  চীনৰ সাহায্যত পাকিস্তানে ইতিমধ্যে ড্র'নবে যুদ্ধ কৰিব পৰা সক্ষমতা অর্জন কৰিছে। সেইবাবে এই বিষয়ত ঢাকাক শিক্ষিত কৰাৰ বাবে পাকিস্তানে প্রচেষ্টা চলাইছে। ভাৰতৰ বাবে এই সামৰিক বুজাবুজিয়ে অশনি সংকেত এইবাবেই আনিছে যে দুয়ো দেশৰ এই সহযোগিতাৰ অংশ হিচাপে এটা কৌশলগত 'এয়াৰ ডাটা লিংক ছিষ্টেম আছে। যিটো পদ্ধতিৰ জৰিয়তে 'গ্রাউণ্ড-টু-এয়াৰ' আৰু এয়াৰ-টু-এয়াৰ যুদ্ধ পৰিচালনাৰ বাবে আৱশ্যকীয় সময়ত দুয়োখন দেশে কার্য সম্পাদন কৰিব।

এই পদ্ধতিৰ জৰিয়তে আক্ৰমণৰ বাবে সহযোগিতা বৃদ্ধি কৰিব। তদুপৰি, দুয়োখন দেশৰ বায়ু সেনাই যুদ্ধৰ পৰিৱেশৰ সময়ত আক্রমণ ক্ষমতা বৃদ্ধি কৰাৰ বাবে কিছুমান নতুন প্রযুক্তিৰ পদ্ধতিও অন্বেষণ কৰাৰ ক্ষেত্ৰত সিদ্ধান্ত লয়। পাকিস্তান-বাংলাদেশৰ এই সামৰিক বুজাবুজিয়ে ভাৰতৰ বিৰুদ্ধে এটা নতুন কৌশলৰ সৃষ্টি কৰিব আৰু ইয়াক প্রতিহত কৰিবলৈ ভাৰতে ইয়াৰ সামৰিক শক্তিক সদা সতর্ক ৰখাটো অতীব প্রয়োজন।

Share This