ভাৰতৰ আক্ৰমণত কম্পমান পাকিস্তান! পাক প্ৰতিৰক্ষা মন্ত্ৰীয়ে ক’লে- আমি যুদ্ধ নকৰোঁ

Kakali Deka May 07, 2025

ডিজিটেল ডেস্কঃ পহলগাম আক্ৰমণৰ উচিত প্ৰত্যুত্তৰ দিলে ভাৰতে। অপাৰেশ্যন সিন্দূৰৰ জৰিয়তে ভাৰতে পাকিস্তানত চলালে আক্ৰমণ। ভাৰতৰ আক্ৰমণৰ পিছত এতিয়া ভয়ত থৰহৰি কম্পমান পাকিস্তান। 

ভাৰতৰ প্ৰত্যাক্ৰমণৰ পাছতেই নেগুৰ পেলালে পাকিস্তানে। ভাৰতৰ শক্তি দেখি ভয়তে সুৰ সলাইছে পাকিস্তানে। 

পাক প্ৰতিৰক্ষা মন্ত্ৰী খাজা আছিফে ক’লে আমি যুদ্ধ নকৰোঁ। ভাৰতে আক্ৰমণ নকৰিলে আমিও সংযত থাকিম বুলি ক’লে পাকিস্তানৰ প্ৰতিৰক্ষা মন্ত্ৰীয়ে। লস্কৰ-ই-তৈবা আৰু জইছ-ই-মহম্মদৰ ঘাটি ধ্বংসৰ পিছতে পাকিস্তান এতিয়া ভয়ত ত্ৰস্তমান।

উল্লেখযোগ্য যে ২২ এপ্ৰিলত জম্মু-কাশ্মীৰৰ পহলগামত সন্ত্ৰাসবাদী আক্ৰমণ সংঘটিত হৈছিল। ইয়াৰ ফলত ২৬ জন সাধাৰণ নাগৰিকৰ মৃত্যু হয়, আটাইকেইজনেই আছিল পহলগাম ভ্ৰমণ কৰিবলৈ যোৱা সাধাৰণ পৰ্যটক। ২৬/১১ৰ মুম্বাইত সংঘটিত সন্ত্ৰাসবাদী আক্ৰমণৰ পিছত এইটোৱেই আছিল এনে প্ৰথম সন্ত্ৰাসবাদী আক্ৰমণ য’ত ইমান বৃহৎ সংখ্যক সাধাৰণ নাগৰিকৰ মৃত্যু হৈছিল। ঘটনাৰ ১৫ দিনৰ পাছত ভাৰতে প্ৰতিশোধ লয়। ৬ মে’ৰ গভীৰ নিশা ভাৰতীয় বায়ুসেনাই পাকিস্তান আৰু পাকিস্তান দখল কৰা কাশ্মীৰৰ বিভিন্ন সন্ত্ৰাসবাদী ঘাটি আক্ৰমণ কৰি ধ্বংস কৰে। ভাৰতে এই অভিযানৰ নাম অপাৰেচন সিন্দূৰ ৰাখিছে।

Share This