পাকিস্তানৰে জড়িত আছিল আগ্রাত উৎখাত কৰা ধৰ্মান্তৰকৰণ চক্ৰ

dainik janambhumi July 28, 2025

ডিজিটেল ডেস্কঃ উত্তৰ প্ৰদেশৰ আগ্ৰা আৰক্ষীয়ে কেইদিনমানৰ পূৰ্বে এটা ধৰ্মান্তৰ কৰা চক্ৰক উৎখাত কৰিছিল। আগ্ৰা আৰক্ষীয়ে চক্ৰটোৰ গ্ৰেপ্তাৰ কৰা লোককেইজনক জেৰা কৰি তথ্য উদ্ধাৰ কৰিছে যে চলিত মাহৰ আৰম্ভণিতে এই ধৰ্মান্তৰকৰণ চক্ৰটোৱে বিভিন্ন আন্তঃৰাষ্ট্ৰীয় সংযোগ ৰাখিছিল, বিশেষকৈ পাকিস্তানত থকা লোকসকলৰ সৈতে যোগাযোগ ৰাখিছিল।

বলপূর্বক ধৰ্মান্তৰ কৰোৱা যুৱতীবোৰক পাকিস্তানৰ লোকসকলৰ সৈতে যোগাযোগ ৰাখিবলৈ বাধ্য কৰোৱাইছিল এই চক্রটোবে। সামাজিক মাধ্যমৰ জৰিয়তে নেটৱৰ্ক পৰিচালিত কৰি চক্ৰটোৱে অনলাইন গেম, এনক্রিপটেড কমিউনিকেশ্যন প্লেটফৰ্ম আৰু ডার্কৱেব আদিত কার্যকলাপ চলাইছিল। আৰক্ষীয়ে কয় যে পাকিস্তানভিত্তিক ব্যক্তিয়ে ধৰ্ম পৰিৱৰ্তনৰ বাবে যুৱতীবোৰক লক্ষ্য কৰি লৈছিল আৰু বলপূর্বক 'লাভ জিহাদ'ৰ জৰিয়তে পাকিস্তানৰ পৰাই ভাৰতীয় যুৱতীক ইছলামৰ শিক্ষা দিছিল।

ইয়াৰ কিছুমান কাশ্মীৰী মহিলাই এই চক্রটোত জড়িত হৈ হিন্দু ধর্মক সমালোচনা কৰি ইছলাম ধৰ্মক উদগনি দিছিল। আগ্ৰাৰ আৰক্ষী অধীক্ষক দীপক কুমাৰে কয় যে চক্ৰটোৰ গ্ৰেপ্তাৰ কৰা ১৪জন লোকক সোধা-পোছা কৰাৰ পাছত আৰু উদ্ধাৰ কৰা যুৱতীবোৰৰ সৈতে কথা পতাৰ পাছত আৰক্ষীয়ে অৱগত হয় যে চক্ৰটোৰ পাকিস্তানৰ সৈতে যোগাযোগ আছে আৰু ভাৰতীয় যুৱতীসকলক ইছলাম ধর্ম গ্রহণ কৰিবলৈ পাকিস্তানৰ পৰাই তেওঁলোকক উৎসাহিত কৰে। উল্লেখযোগ্য যে আৰক্ষীয়ে উদ্ধাৰ কৰা তথ্য অনুসৰি তনবীৰ আহমেদ আৰু ছাহী আদীম নামৰ দুজন পাকিস্তানী লোকে সততে ভাৰতৰ এই ধৰ্মান্তৰকৰণ চক্ৰটোৰ সৈতে যোগাযোগ ৰাখিছিল আৰু সামাজিক মাধ্যমৰ জৰিয়তে ভাৰতীয় যুৱতীসকলক ইছলাম ধর্ম গ্ৰহণ কৰাৰ বাবে প্ৰৰোচিত কৰিছিল।

Share This