পোপ ফ্ৰান্সিছৰ মৃত্যুৰ পূৰ্বে ভাৰ্জিন মেৰীৰ মূৰ্তিৰ পৰা ওলাইছিল চকুপানী!

Kakali Deka April 22, 2025

ডিজিটেল ডেস্কঃ পোপ ফ্ৰান্সিছ আৰু আমাৰ মাজত নাই। সমগ্ৰ বিশ্বতে এতিয়া শোকৰ জোৱাৰ। ইফালে, পোপ ফ্ৰান্সিছৰ মৃত্যুৰ কিছুদিন পূৰ্বে ভাৰ্জিন মেৰীৰ প্ৰতিমূৰ্তিত এক অলৌকিকতা দেখা পোৱা বুলি দাবী কৰা হৈছে। কিছুসংখ্যক কেথলিকে দাবী কৰে যে ইষ্টাৰ পূজাৰ সময়ত ভাৰ্জিন মেৰীৰ মূৰ্তিটোৰ পৰা চকুপানী ওলাইছিল। এই ঘটনা কলম্বিয়াৰ আগুয়াছ ক্লেৰেছ চহৰৰ।

এই লোকসকলে দাবী কৰে যে এই অলৌকিকতা চেণ্ট জন ইউডেছ পেৰিছত Sermon of the Seven Wordsৰ সময়ত সংঘটিত হৈছিল। এই প্ৰাৰ্থনাৰ সময়ত তাত স্থাপন কৰা ভাৰ্জিন মেৰীৰ মূৰ্তিটোৰ চকুৰ পৰা চকুলো বৈ আহিবলৈ ধৰিলে।

দাবী অনুসৰি ইষ্টাৰ সোমবাৰে পুৱা ৭-৩০ বজাত পোপৰ মৃত্যু হোৱাৰ কেইদিনমান পূৰ্বে এই কাণ্ড সংঘটিত হয়।

ভিডিঅ’ কেমেৰাত বন্দী হোৱা এই দাবী ছ’চিয়েল মিডিয়াত ভাইৰেল হৈ আছে। ভিডিঅ’ ভাইৰেল হোৱাৰ পিছত ইউজাৰে বিভিন্ন ধৰণৰ মন্তব্য কৰিছে। অৱশ্যে এই কথিত অলৌকিক ঘটনা সন্দৰ্ভত এতিয়াও কোনো আনুষ্ঠানিক বিবৃতি প্ৰকাশ কৰা হোৱা নাই। 

উল্লেখযোগ্য যে ভেটিকানে নিশ্চিত কৰিছে যে ৰোমৰ গেমেলী হস্পিটেলত ব্ৰংকাইটিছৰ চিকিৎসাৰ অন্তত আৰ্জেণ্টিনাৰ পোপ ফ্ৰান্সিছৰ মৃত্যু হৈছে।

 

 

 

উৎস প্ৰাগ নিউজ ডিজিটেল

Share This