শীঘ্ৰেই বৃদ্ধি পাব কেন্সাৰ -ডায়েবেটিচ হৃদৰোগৰ ঔষধৰ দাম 

dainik janambhumi March 27, 2025

ডিজিটেল ডেস্কঃ কেন্সাৰ, ডায়েবেটিচ, হৃদৰোগ আৰু আন কিছু এন্টিবায়'টিককে ধৰি চৰকাৰ নিয়ন্ত্ৰিত দৰবৰ দাম সোনকালেই বৃদ্ধি পাব।

 চৰকাৰী সূত্রই এই কথা জনোৱা বুলি 'বিজনেছ টুডে'ৰ এটা বাতৰিত এই কথা প্রকাশ পাইছে। সূত্ৰটোৰ মতে এই দৰববোৰৰ দাম ১.৭ শতাংশ বৃদ্ধি পোৱাৰ সম্ভাৱনা আছে।

 এই দৰববোৰৰ দাম বৃদ্ধি পোৱাৰ সম্ভাৱনাৰ কথা প্ৰকাশ কৰি অল ইণ্ডিয়া অর্গেনাইজেশ্যন অব্ কেমিষ্ট এণ্ড ড্রাগিষ্টৰ (এ আই অ' চি ডি) সাধাৰণ সম্পাদক ৰাজীৱ সিংহলে কয় যে কেঁচা মালৰ দাম আৰু আন ব্যয় বৃদ্ধি পোৱাৰ পৰিপ্ৰেক্ষিতত চৰকাৰৰ এই পদক্ষেপে ফার্মাচিউটিকেল উদ্যোগক সকাহ দিব। তেওঁ আৰু জনায়, 'যিকোনো সময়তে বিক্ৰীযোগ্য দৰব ৯০ দিন থাকে বাবে বজাৰত এই নতুন দাম দুই বা তিনিমাহৰ পাছত দেখা যাব।'

Share This