ৰাজা ৰঘুবংশীৰ হত্যাকাণ্ডৰ  নতুন নতুন তথ্য পোহৰলৈ আহিছে 

Kakali Deka June 10, 2025

ডিজিটেল ডেস্কঃ ইন্দোৰত ৰাজা ৰঘুবংশী হত্যাকাণ্ডৰ নতুন নতুন গোপনীয় তথ্য পোহৰলৈ আহিছে। এই হত্যাকাণ্ডৰ ৰহস্য সমাধানৰ বাবে মেঘালয় আৰু ইন্দোৰৰ আৰক্ষীয়ে একেলগে তদন্ত অব্যাহত ৰাখিছে।

আৰক্ষীয়ে জনোৱা মতে, ৰাজা ৰঘুবংশীৰ হত্যাকাণ্ডৰ পাছত ২৫ মে’ত সোনম ৰঘুবংশী ইন্দোৰলৈ গৈছিল আৰু অবৈধ প্ৰেমিক ৰাজ কুশৱাহাৰ সৈতে ভাড়াঘৰৰ একেটা কোঠাতে থাকিছিল। আৰক্ষীয়ে জনোৱা মতে, সোনমে ৰাজা ৰঘুবংশীক হত্যা কৰাৰ পৰিকল্পনা বিবাহৰ পিছতে ৰচনা কৰিছিল । এই ষড়যন্ত্ৰৰ পৰিকল্পনাতেই নৱদম্পতীটো শ্বিলঙত উপস্থিত হৈছিল।

২১ মে’ত শ্বিলঙত উপস্থিত হোৱাৰ পাছত ২২ মে’ত চেৰাপুঞ্জীলৈ গৈ হোমষ্টেত থাকিছিল দুয়োজনে ।

মেঘালয় আৰক্ষীৰ মতে, পৰিকল্পনা মতেই  তিনিজন অভিযুক্তই ৰাজাক ধৰিছিল আৰু তাৰ পিছত বিকি নামৰ এজন অভিযুক্তই চোকা অস্ত্ৰৰে ৰাজাক আক্ৰমণ কৰিছিল। 
ৰাজাক হত্যা কৰাৰ পাছত  অভিযুক্তকেইজন  তাৰ পৰা পলাই গ’ল যদিও এই সকলোবোৰ চিচিটিভি কেমেৰাত বন্দী হৈছিল।  ইয়াৰ পিছত সোনম ইন্দোৰ পালেগৈ আৰু তাতে ৰাজ কুশৱাহাৰ লগত যোগাযোগ কৰে। ইয়াৰ পিছত সোনম উত্তৰ প্ৰদেশত উপস্থিত হৈছিল।

 অভিযুক্ত ৰাজ কুশৱাহাৰ মাতৃয়ে কয় যে তেওঁৰ পুত্ৰ নিৰ্দোষী। তেনেকুৱা কাম তেওঁৰ পুত্ৰই কেতিয়াও কৰিব নোৱাৰে।

ইফালে, ৰাজ কুশৱাহাৰ ভগ্নীয়েও সোনমৰ সৈতে সম্পৰ্কত থকা কথাটো সম্পূৰ্ণৰূপে নাকচ কৰিছে।

Share This