দুবাৰ বিবাহ বিচ্ছেদৰ যন্ত্ৰণাৰ সন্মুখীন হোৱাৰ পিছত পুনৰ বিবাহপাশত আবদ্ধ হ’ব ৰাখী সাৱন্ত

Kakali Deka January 28, 2025

ডিজিটেল ডেস্কঃ ব্যক্তিগত জীৱনক লৈ প্ৰায়েই বাতৰিৰ শিৰোনাম দখল কৰে ৰাখী সাৱন্তে। অৱশ্যে দুবাৰ বিবাহপাশত আবদ্ধ হৈছে অভিনেত্ৰীগৰাকী। কিন্তু তেওঁৰ দুয়োখন বিয়া ভাঙি গ’ল। এতিয়া ৰাখীয়ে তৃতীয়বাৰৰ বাবে বিয়া পাতিবলৈ ইচ্ছা প্ৰকাশ কৰিছে ৷ কিন্তু এইবাৰ ভাৰতত নহয়,পাকিস্তানত হ’ব তেওঁৰ বিবাহ ৷ৰাখীয়ে শেহতীয়াকৈ ভ্ৰমণৰ সময়ত লাভ কৰা বিবাহৰ সু প্ৰস্তাৱৰ বিষয়ে সংবাদ মাধ্যমক জানিবলৈ দিয়ে।

টাইমছ অব্ ইণ্ডিয়াৰ সৈতে হোৱা বাৰ্তালাপত তেওঁ পাকিস্তানৰ বিবাহৰ কথা কয়। অভিনেত্ৰীগৰাকীয়ে কয়, ‘পাকিস্তানৰ পৰা মোৰ বহুত প্ৰস্তাৱ আহি আছে। মই পাকিস্তানলৈ যোৱাৰ সময়ত তেওঁলোকে দেখিছিল যে মোৰ আগৰ দুখন বিয়াত মোক কিমান হাৰাশাস্তি কৰা হৈছিল। মই নিশ্চয় পাকিস্তানত বিয়া হোৱাৰ কথা চিন্তা কৰিম।' ৰাখীয়ে কয় যে বহু পাকিস্তানী আৰু ভাৰতীয় দম্পতীয়ে বিবাহপাশত আবদ্ধ হৈ আমেৰিকা আৰু ডুবাইত বসতি স্থাপন কৰি সুন্দৰ জীৱন যাপন কৰি আছে। এই ধৰণৰ বিবাহে দুয়োখন দেশৰ মাজত শান্তি আৰু বুজাবুজিৰ সৃষ্টি কৰে। ভাৰতীয় আৰু পাকিস্তানীয়ে ইজনে সিজনৰ অবিহনে একো কৰিব নোৱাৰে। মই পাকিস্তানী মানুহ ভাল পাওঁ আৰু পাকিস্তানতো মোৰ অনুৰাগী আছে।

কথিত প্ৰেমিক ডোদী খানৰ বিষয়ে কওঁতে ৰাখীয়ে কয় যে তেওঁ এজন অভিনেতা আৰু এজন আৰক্ষী বিষয়া । ৰাখীয়ে ক’লে, ‘পাকিস্তানতেই হ’ব বিয়া। ৰিচেপশ্যন ভাৰতত হ'ব আৰু আমি হানিমুনৰ বাবে ছুইজাৰলেণ্ড বা নেদাৰলেণ্ডলৈ যাম। আমি ডুবাইত বসতি স্থাপন কৰিম। 

ৰাখী সাৱন্তৰ ভাঙি যোৱা দুখন বিবাহ

উল্লেখ্য যে, ইয়াৰ আগতে ৰাখীৰ বিয়া হৈছিল ৰিতেশ সিঙৰ সৈতে। তেওঁ ৰিতেশৰ লগত বিগ বছলৈ গৈছিল। অৱশ্যে ৰাখী আৰু ৰিতেশৰ এই বিবাহ স্থায়ী নহ’ল।

দ্বিতীয় বিবাহ আছিল আদিল খান দুৰানীৰ সৈতে। তেওঁৰ লগতো অভিনেত্ৰীগৰাকীৰ বিচ্ছেদ হৈছে। ৰাখীয়ে আদিল খান দুৰানীৰ বিৰুদ্ধেও কেইবাটাও অভিযোগ উত্থাপন কৰিছিল আৰু তেওঁক জে'ললৈও প্ৰেৰণ কৰিছিল। আদিলে সোমী আলীৰ লগত বিবাহপাশত আবদ্ধ হৈছে।

Share This