পৱিত্ৰ ৰমজান মাহতে মুছলমান যুৱকৰ সৈতে ভয়ংকৰ ঘটনা ৷

Rashmi March 08, 2025

ডিজিটেল ডেস্কঃ পৱিত্ৰ ৰমজান মাহতে মুছলমান যুৱকৰ সৈতে ভয়ংকৰ ঘটনা ৷ড্ৰাগছ কণ্টেইনাৰসহ নিৰ্জন পথাৰত ৰহস্যজনকভাৱে উদ্ধাৰ এগৰাকী যুৱকৰ মৃতদেহ৷

দক্ষিণ কামৰূপৰ গৰৈমাৰীৰ জোৰশিমুলীত সংঘটিত হৈছে ভয়ংকৰ চাঞ্চল্যকৰ ঘটনা৷ উল্লেখ্যোগ্য যে জোৰশিমুলী আৰক্ষী চকীৰ এলেকাধীন মহাবীৰ পথাৰৰ নিৰ্জন পথৰ কাষত পুৱা স্থানীয় ৰাইজে প্ৰত্যক্ষ কৰে যুৱকজনৰ মৃতদেহ৷

নিৰ্জন পথাৰত যুৱকৰ মৃতদেহ উদ্ধাৰ হোৱাৰ খবৰ চাৰিওফালে বিয়পি পৰাৰ লগে লগে চাবলৈ লোকাৰণ্য হৈ পৰে মহাবীৰ পথাৰ।

পাছত স্থানীয় গাঁওবুঢ়াই জোৰশিমুলী আৰক্ষীক খবৰ দিয়াত আৰক্ষীৰ লোক ঘটনাস্থলীত উপস্থিত হৈ যুৱকজনৰ মৃতদেহ উদ্ধাৰ কৰি থানালৈ লৈ আহে।

মৃত যুৱকজন জোৰশিমুলীৰ নছেৰ আলীৰ পুত্ৰ স্বহৰ আলী বুলি জানিব পৰা গৈছে৷

মৃত যুৱকজনৰ কাষত এটা খালী ড্ৰাগছৰ কন্টেইনাৰ আৰু ছিৰিঞ্জ উদ্ধাৰ কৰিছে আৰক্ষীয়ে। ইয়াৰ পৰাই অনুমান হৈছে অত্যধিক ড্ৰাগছ সেৱনৰ ফলত যুৱকজনৰ মৃত্যু হৈছে৷ নাইবা কোনোবা দুষ্টচক্ৰই হত্যা কৰি নিৰ্জন পথাৰত পেলাই দিয়াৰ সন্দেহ প্ৰকাশ কৰিছে ৰাইজে।

ইতিমধ্যে জোৰশিমুলী আৰক্ষীয়ে মৃতদেহটো মৰণোত্তৰ পৰীক্ষাৰ বাবে GMCH লৈ প্ৰেৰণ কৰিছে। মৰণোত্তৰ পৰীক্ষাৰ পিছতহে যুৱকজনৰ মৃত্যুৰ প্ৰকৃত কাৰণ পোহৰলৈ আহিব বুলি আৰক্ষী সূত্ৰে প্ৰকাশ পাইছে৷

উৎস: প্ৰাগ নিউজ ডিজিটেল

চুমি, বিশাল, দীপাংকৰৰ কেলেংকাৰিৰ নতুন তথ্য ফাদিল