দিল্লীৰ গণৰাজ্য দিৱসৰ কাৰ্যসূচীত জিলিকিব অসমৰ গৌৰৱ চৰাইদেউ মৈদাম

Kakali Deka January 25, 2025

ডিজিটেল ডেস্ক : গণৰাজ্য দিৱসলৈ মাজত মাত্ৰ কেইটামান ক্ষণ বাকী।ভাৰতবৰ্ষত প্ৰতিবছৰে ২৬ জানুৱাৰীৰ দিনা দেশবাসীয়ে গণৰাজ্য দিৱস হিচাপে উদযাপন কৰে। ভাৰতৰ সংবিধান এই দিনটোতে কাৰ্যকৰী হৈছিল। ১৯৪৭ চনৰ ১৫ আগষ্টত দেশ ব্ৰিটিছ শাসনৰ পৰা স্বাধীনতা লাভ কৰাৰ তিনি বছৰ পিছত অৰ্থাৎ ১৯৫০ চনত ভাৰতৰ সংবিধান কাৰ্যকৰী কৰা হৈছিল।

কাইলৈ দেশৰ ৭৬ সংখ্যক গণৰাজ্য দিৱস।গণৰাজ্য দিৱস উপলক্ষে ইতিমধ্যে দিল্লীকে ধৰি দেশৰ বিভিন্ন প্ৰান্তত সম্পূৰ্ণ হৈ উঠিছে সকলো প্ৰস্তুতি।প্ৰতিবছৰৰ দৰে এইবাৰো গণৰাজ্য দিৱসত প্ৰদৰ্শন হ’ব ভিন্ন ৰাজ্যৰ প্ৰতীকপট৷লগতে প্ৰদৰ্শন হ’ব দিল্লীৰ কৰ্তব্য পথত অসমৰ প্ৰতীকপটো ৷

য'ত উজলিব অসমৰ ঐতিহাসিক চৰাইদেউ মৈদাম।লগতে জিলিকি উঠিব অসমৰ বিভিন্ন জনগোষ্ঠীয় নৃত্য, জাপি, গঁড় আদিৰ দৰে চহকী সংস্কৃতি।অসমৰ এই চহকী সংস্কৃতিসমূহ প্ৰদৰ্শিত হ’ব লালকিল্লাত।

সামাজিক মাধ্যমযোগে মুখ্যমন্ত্ৰী হিমন্ত বিশ্ব শৰ্মাই ইতিমধ্যে গণৰাজ্য দিৱসৰ এই অনুষ্ঠানত উপস্থিত থকাৰ বাবে আহ্বান জনায়।

Share This