আৰ জি কৰ-কাণ্ড দলবদ্ধ বলাৎকাৰ নাছিল, আদালতক জনালে চি বি আয়ে

dainik janambhumi March 31, 2025

ডিজিটেল ডেস্ক : কলকাতাৰ আৰু জি কৰ মেডিকেল কলেজৰ এগৰাকী ট্রেইনী চিকিৎসকক বলাৎকাৰ-হত্যাৰ গোচৰৰ তদন্ত কৰি থকা কেন্দ্ৰীয় তদন্তকাৰী সংস্থা চি বি আয়ে শুকুৰবাৰে উচ্চ ন্যায়ালয়ক অৱগত কৰে যে ঘটনাটো দলবদ্ধ বলাৎকাৰ নাছিল আৰু ই এটা অপৰাধীৰ কাৰ্য আছিল। 

পূৰ্বৰ শুনানিত কলকাতা উচ্চ ন্যায়ালয়ে অপৰাধটোত দোষী সঞ্জয় ৰায় একমাত্ৰ অপৰাধী নে অন্য কোনোবা জড়িত আছিল সেয়া অনুসন্ধান কৰিবলৈ চি বি আইক নির্দেশ দিছিল। 

চি বি আয়ে আদালতক জনায় যে সকলো প্রমাণ আৰু বিশেষজ্ঞৰ মত অনুসৰি অপৰাধটো দলবদ্ধ বলাৎকাৰ নাছিল বুলি গম পোৱা যায়। চি বি আয়ে গঠন কৰা ১৪জনীয়া বিশেষজ্ঞ চিকিৎসকৰ দলেও ই দলবদ্ধ বলাৎকাৰ নাছিল বুলি কয়। অৱশ্যে আদালতত চি বি আয়ে গোচৰটোত বৃহত্তৰ ষড়যন্ত্ৰৰ ইংগিত লাভ কৰা বুলি তাৎপর্যপূর্ণ মন্তব্য কৰে। এই সন্দর্ভত তদন্ত অব্যাহত আছে।

Share This