ৰঞ্জি ট্ৰফীত খেলিব  ৰোহিত, জয়ছোৱালে

Dainik Janambhumi January 21, 2025

ডিজিটেল ডেস্ক: ভাৰতীয় অধিনায়ক ৰোহিত শৰ্মা আৰু যুৱ অ’পেনাৰ যশস্বী জয়ছোৱাল জম্মু আৰু কাশ্মীৰৰ বিৰুদ্ধে ৰঞ্জি ট্ৰফীৰ খেলখনৰ বাবে মুম্বাইৰ দলত অন্তৰ্ভুক্ত হৈছে৷ ২৩ জানুৱাৰীত এম চি এ-বি কে চি ৰাউণ্ডত হ’বলগীয়া ৰঞ্জি ট্ৰফীৰ খেলখনত মুম্বাইৰ নেতৃত্ব বহন কৰিব আজিংক্য ৰাহানেই৷ 

ভাৰতীয় অধিনায়ক ৰোহিত শৰ্মাই শনিবাৰেই ৰঞ্জি ট্ৰফীত খেলিব বুলি নিশ্চিত কৰিছিল৷ প্ৰায় এটা দশকৰ পাছত ৰঞ্জি ট্ৰফীত অংশ ল’বলৈ আগবঢ়া ৰোহিতে ১৫ জানুৱাৰীত মুম্বাইৰ অনুশীলনতো নামিছিল৷ ঘৰৰ মাটিত নিউজিলেণ্ড আৰু অষ্ট্ৰেলিয়াত ব’ৰ্ডাৰ-গাভাস্কাৰ ট্ৰফীত চূড়ান্তভাৱে ব্যৰ্থ হোৱা ৰোহিতৰ টেষ্ট কেৰিয়াৰক লৈ প্ৰশ্ন উত্থাপিত হৈছিল৷ ভাৰতীয় ক্ৰিকেট ব’ৰ্ডে শেহতীয়াকৈ চুক্তিবদ্ধ খেলুৱৈৰ ঘৰুৱা ক্ৰিকেটত অংশগ্ৰহণ বাধ্যতামূলক কৰিছিল৷

তাৰ পাছতেই ৰোহিতে ৰঞ্জি ট্ৰফীত খেলাৰ সিদ্ধান্ত লয়৷ ৰোহিতৰ উপৰি জয়ছোৱালেও ইয়াৰ সতীৰ্থৰ সৈতে বেটিং অনুশীলনত মনোনিৱেশ কৰিছিল৷

Share This