পাকিস্তানৰ সৈতে বাণিজ্য পুনৰ আৰম্ভৰ কোনো আলোচনা হোৱা নাই

Dainik janambhumi January 24, 2025

ডিজিটেল ডেস্ক : ভাৰতৰ সৈতে বাণিজ্য পুনৰ আৰম্ভ কৰাৰ বিষয়ত পাকিস্তানৰ সৈতে কোনো আলোচনা কৰা হোৱা নাই। বুধবাৰে ভাৰতৰ বৈদেশিক পৰিক্ৰমা দপ্তৰৰ মন্ত্ৰী এছ জয়শংকৰে এই কথা কয়। ৱাশ্বিংটনৰ এখন সংবাদমেলত জয়শংকৰে কয়, 'যোৱা বছৰৰ পাছত, পাকিস্তানৰ সৈতে বাণিজ্য বিষয়ত কোনো আলোচনা হোৱা নাই, তেওঁলোকৰ ফালৰ পৰাও কোনো উদ্যোগ লোৱা নাই।' তেওঁ কয় যে ভাৰতে কেতিয়াও পাকিস্তানৰ সৈতে বাণিজ্য বন্ধ কৰা নাছিল আৰু এই সন্দৰ্ভত ২০১০ চনত পাকিস্তান চৰকাৰেহে সিদ্ধান্ত গ্রহণ কৰিছিল।

 জয়শংকৰে কয়, 'প্রথমৰ পৰাই আমাৰ ইচ্ছা আছিল যে ভাৰতে আটাইতকৈ পচন্দৰ ৰাষ্ট্ৰ (এম এফ এন)-ৰ মর্যাদা পাব লাগে। আমি পাকিস্তানক এম এফ এন মর্যাদা দিছিলোঁ। কিন্তু তেওঁলোকে আমাক একে মর্যাদা নিদিলে।' উল্লেখযোগ্য যে পূৰ্বৰ জম্মু-কাশ্মীৰক বিশেষ মর্যাদা দিয়া সংবিধানৰ ৩৭০ অনুচ্ছেদ ভাৰতে প্রত্যাহাৰ কৰাৰ প্ৰতিক্রিয়াস্বৰূপে পাকিস্তানৰ তদানীন্তন ইমৰান খানৰ চৰকাৰে ভাৰতৰ সৈতে সকলো ধৰণৰ দ্বিপাক্ষিক বাণিজ্য স্থগিত ৰাখিছিল। তদুপৰি পাকিস্তানে ভাৰতৰ সৈতে কূটনীতিক সম্পৰ্কও অৱনমিত কৰিছিল।

Share This