চিলিণ্ডাৰ বিস্ফোৰণত ৭জনৰ মৃত্যু

dainik janambhumi April 02, 2025

ডিজিটেল ডেস্কঃ পশ্চিম বংগৰ দক্ষিণ ২৪ পৰগনা জিলাৰ পাথৰ প্রতিমাৰ এটা ঘৰত সোমবাৰে নিশা হোৱা এটা চিলিণ্ডাৰ বিস্ফোৰণৰ ঘটনাত ৪ গৰাকী শিশু আৰু দুগৰাকী মহিলাকে ধৰি মুঠ ৭গৰাকী লোকৰ মৃত্যু হয়। 

সুন্দৰবনৰ আৰক্ষী অধীক্ষক কোটেশ্বৰ ৰাওৱে এই বিস্ফোৰণৰ ঘটনাত আন এগৰাকী মহিলা আহত হোৱাৰ কথা নিশ্চিত কৰিছে। তেওঁ কয় যে মৃতদেহসমূহ ঘটনাস্থলীৰ পৰা উদ্ধাৰ কৰাৰ লগতে আহত মহিলাগৰাকীক হস্পিটেলত ভর্তি কৰোৱা হৈছে। 

মৃত লোকসকল একেটা পৰিয়ালৰ সদস্য বুলি অনুমান কৰা হৈছে। আৰক্ষী অধীক্ষকগৰাকীয়ে জনোৱা অনুসৰি পৰিস্থিতি বর্তমান নিয়ন্ত্রণাধীন আৰু ঘটনাৰ সবিশেষ তদন্ত অব্যাহত আছে।

Share This