আন্তঃৰাষ্ট্ৰীয় মহাকাশ কেন্দ্ৰলৈ যোৱা প্ৰথম ভাৰতীয় হʼব শুভাংশু শুল্কা

Kakali Deka February 01, 2025

ডিজিটেল ডেস্কঃ ভাৰতীয় বায়ু সেনাৰ বিষয়া শুভাংশু শুল্কাক আমেৰিকাৰ মহাকাশ গৱেষণা সংস্থা নাছাৰ এজিয়ম অভিযান-৪ ৰ বাবে পাইলটৰূপে বাছনি কৰা হৈছে। এই অভিযানৰ অধীনত তেওঁ আন্তঃৰাষ্ট্ৰীয় মহাকাশ কেন্দ্ৰলৈ যাব।

আন্তঃৰাষ্ট্ৰীয় মহাকাশ কেন্দ্রলৈ যোৱা তেওঁ প্ৰথম ভাৰতীয় মহাকাশচাৰীৰূপে পৰিগণিত হ'ব। তেওঁ অচিৰেই স্পেচ এক্সৰ ফেল্কন-৯ ৰকেট আৰু ড্রেগন মহাকাশ যানৰ জৰিয়তে মহাকাশ কেন্দ্রত উপনীত হ'ব। এই ড্রেগন মহাকাশযানখনত ফ্লৰিডাৰ পৰা মহাকাশ কেন্দ্র অভিমুখে উরা মাৰিব। উল্লেখযোগ্য যে শুল্কাক অলপতে ভাৰতীয় মহাকাশ গৱেষণা কেন্দ্রই গগনযান অভিযানৰ মূল মহাকাশযাত্রীৰূপে নির্বাচিত কৰিছিল।

তেওঁ ১৯৮৪ চনৰ পাছত 'মহাকাশলৈ যোৱা প্রথমজন মহাকাশচাৰী হ'ব। তেওঁ ২০০৬ চনত ভাৰতীয় বায়ু সেনা বাহিনীত যুঁজাৰু বিমান শাখাত যোেগ দিছিল। তেওঁ বিভিন্ন বিমান ২ হাজাৰ ঘণ্টাতকৈ অধিক সময় উৰুৱাৰ অভিজ্ঞতা আছে। তেওঁৰ লগত আমেৰিকাৰ কমাণ্ডাৰ পেগী হুইটছন, পোলেণ্ডৰ ইউৰোপীয়ান মহাকাশ সংস্থাৰ বিশেষজ্ঞ শ্লাভেশ উজানস্কী আৰু হাংগেৰীৰ তিবোৰ কাপুও মহাকাশ কেন্দ্রলৈ যাব।

Share This