নিউজিলেণ্ডৰ বিৰুদ্ধে খেলিব গীলে

dainik janambhumi March 01, 2025

ডিজিটেল ডেস্ক: নিউজিলেণ্ডৰ বিৰুদ্ধে দেওবাৰে আই চি চি চেম্পিয়নছ ট্রফীত ভাৰতৰ অন্তিম খেলখনত শুভমন গীলৰ অংশগ্রহণক লৈ সংশয়ৰ সৃষ্টি হৈছিল। কাৰণ বুধবাৰে দলৰ সৈতে অনুশীলনৰ পৰা আঁতৰি আছিল গীল। তাৰ পাছত বৃহস্পতিবাৰে অকলেই অনুশীলনত নামে ভাৰতীয় দলৰ সহঃ অধিনায়কগৰাকী। ভাৰতীয় দলৰ সূত্ৰ অনুসৰি গীল সম্প্রতি সম্পূর্ণ সুস্থ। ইফালে, ভাৰতে প্রথম দুখন খেলত বাংলাদেশ আৰু পাকিস্তানক হৰুৱাই ইতিমধ্যেই ছেমি ফাইনেলত স্থান নিশ্চিত কৰিছে। 

নিউজিলেণ্ডক দেওবাৰৰ খেলখনত হৰুৱালে ৰোহিত শর্মা বাহিনীয়ে গ্ৰুপৰ ১ নম্বৰৰ দল হিচাপে ছেমি ফাইনেল খেলিবলৈ সুযোগ পাব। পৰাজিত হ'লে দ্বিতীয় স্থান দখলৰ সূত্ৰে ছেমি ফাইনেলত 'নামিব। সেই অনুসৰি নিউজিলেণ্ডৰ বিৰুদ্ধে খেলখনৰ বাবে প্রশিক্ষক গৌতম গম্ভীৰে আগশাৰীৰ কেই বাগৰাকী খেলুৱৈক জিৰণি দিব পাৰে। গম্ভীৰৰ সেই তালিকাত গীল থাকিব পাৰে বুলি জল্পনা-কল্পনা আৰম্ভ হয়। কাৰণ বুধবাৰে গীলে অনুশীলনৰ পৰা আঁতৰি থকাৰ বাবে তেওঁৰ ফিটনেছক লৈ প্রশ্ন উত্থাপিত হয়। পিছে ভাৰতীয় দলৰ পক্ষৰ পৰা সেই সম্পর্কত কোনো কথা উল্লেখ কৰা হোৱা নাই। 

আনহাতে বৃহস্পতিবাৰে ভাৰতীয় দলৰ অনুশীলন নাছিল। ক্ৰিকেটাৰসকলে বিশ্ৰাম লয়। ব্যতিক্ৰম আছিল মাথোঁ গীল। কেইবাগৰাকী সহযোগী ষ্টাফ আৰ থ্র' ডাউন বিশেষজ্ঞৰ সৈতে ডুবাইৰ আই চি চি একাডেমি খেলপথাৰত প্রায় দুঘণ্টা ধৰি অনুশীলন চলায় গীলে। অনুশীলনৰ সময়ত তেওঁক অসহজবোধ কৰা দেখা নগ'ল। দেওবাৰে গীলে নেখেলাক লৈ কোনো প্রশ্ন নুঠে বুলি জানিব পৰা গৈছে ভাৰতীয় দলৰ পৰা। তাৰ মাজতে গীলে গ্ৰুপৰ অন্তিম খেলখনত নমাৰ লগতে দলৰ নেতৃত্বও চম্ভালিব পাৰে। অধিনায়ক ৰোহিত শৰ্মা হেমষ্ট্ৰিঙৰ আঘাতত ভুগি আছে। তালৈ চাই ছেমি ফাই নেলৰ আগেয়ে ৰোহিতক বিশ্রাম দিয়াৰ সম্ভাৱনা আছে। তেনে পৰিস্থিতিত ভাৰতক নেতৃত্ব দিব গীলে।

Share This