বনভোজত গো-বধ কৰি গ্ৰেপ্তাৰ ৬ যুৱক

Kakali Deka January 22, 2025

ডিজিটেল ডেস্ক: পিকনিকত গো-বধ কৰি গ্ৰেপ্তাৰ হ’ল ৬জনকৈ যুৱক৷ পিকনিক খাবলৈ গৈ নিষিদ্ধ গো-মাংস কটাৰ ভিডিঅ' সামাজিক মাধ্যমত আপলোড কৰি গ্ৰেপ্তাৰ হ'ল ৬ যুৱক।

উল্লেখযোগ্য যে, ব্ৰহ্মপুত্ৰৰ বালিচলৰত পিকনিক খাইছিল যুৱককেইজনে। খানাত আছিল গো-মাংস। কিন্তু গো-মাংস নিষিদ্ধ কৰা চৰকাৰৰ বিৰুদ্ধে ৬ যুৱক লিপ্ত হ'ল চৰম উদ্ধতালিত। পিকনিকত গো-বধ কৰি সামাজিক মাধ্যমত প্ৰচাৰ কৰাৰ পিছতেই ৰাজ্যত সৃষ্টি হ’ল তীব্ৰ প্ৰতিক্ৰিয়াৰ। হাতীগাঁও থানাত শান্তনু শইকীয়া নামৰ এজন লোকে দাখিল কৰিলে এজাহাৰ। সেই এজাহাৰৰ ভিত্তিত হাতীগাঁও আৰক্ষীয়ে গোচৰ ৰুজু কৰি গ্ৰেপ্তাৰ কৰে আটাইকেইজন যুৱকক।

যুৱককেইজন হ’ল চাহিল খান, হাফিজুৰ ইছলাম, ৰকিবুল হুছেইন, জাহিদুল ইছলাম, ইজাজ খান আৰু শ্বহিদুল ইছলাম। যুৱককেইজনৰ ঘৰ ছয়গাঁৱৰ গৰৈমাৰীৰ আচলপাৰাত বুলি জানিব পৰা গৈছে।

Share This