৫০০ গিগাৱাট নৱীকৰণযোগ্য শক্তি উৎপাদন কৰিব ভাৰতে

dainik janambhumi February 12, 2025

ডিজিটেল ডেস্কঃ নৱীকৰণযোগ্য শক্তি আৰু ৫ মিলিয়ন গ্রীন হাইড্রজেনৰ উৎপাদনৰ লক্ষ্যৰ লগতে অইল আৰু গেছ সম্পদসমূহৰ বাবে নতুনকৈ বিড আহ্বানৰ মুকলিৰ বিষয়ে উল্লেখ কৰি প্ৰধানমন্ত্ৰী মোদীয়ে কয় যে এইসমূহত নতুন বিনিয়োগৰ প্ৰচুৰ সম্ভাৱনা আছে আৰু সেই বাবে শক্তি খণ্ডত ভাৰতত বিনিয়োগ কৰিবলৈ তেওঁ বিনিয়োগকাৰীসকলক আহ্বান জনায়। ভাৰত শক্তি সপ্তাহ ২০২৫ উপলক্ষে নতুন দিল্লীত আয়োজিত অনুষ্ঠান মঙলবাৰে ভার্চুৱেলী মুকলি কৰি প্ৰধানমন্ত্ৰী মোদীয়ে এইদৰে মন্তব্য কৰে। প্ৰধানমন্ত্ৰী মোদীয়ে বিনিয়োগকাৰীসকলক কয় যে বিনিয়োগকাৰীসকল কেৱল ভাৰতৰ শক্তি সপ্তাহৰ এটা অংশই নহয়, দেশৰ শক্তিৰ দিশত উচ্চাকাংক্ষাৰ ক্ষেত্ৰত বিনিয়োগকাৰীসকল হৈছে এটা গুৰুত্বপূৰ্ণ অংশ। তেওঁ আৰু কয় যে সকলো বিশেষজ্ঞই কৈ আছে যে ২১ শতিকাটো ভাৰতৰ।

ভাৰতে কেৱল নিজৰ বিকাশ কৰাই নহয়, সমগ্ৰ বিশ্বৰ বিকাশৰ দিশত ভাৰত অন্যতম চালিকা শক্তি হ'ব। বিকশিত ভাৰতৰ বাবে পৰৱৰ্তী দুটা দশক ভাৰতৰ বাবে অতি গুৰুত্বপূৰ্ণ বুলি মন্তব্য কৰি প্রধানমন্ত্রী মোদীয়ে কয় যে পৰৱৰ্তী পাঁচ বছৰত ভাৰতে বহুতো মাইলৰ খুঁটিত উপনীত হ'ব। উল্লেখযোগ্য যে ভাৰত শক্তি সপ্তাহ ২০২৫-ত ৰাজধানী চহৰখনত শক্তি ক্রেতাসকলে উৎপাদনকাৰীসকলৰ সৈতে বৈঠকত মিলিত হ'ব। এই শক্তি সপ্তাহত বিশ্বৰ বহু শক্তি মন্ত্ৰী আৰু শক্তি উদ্যোগৰ মুখ্য কার্যবাহীয়ে অংশ লৈছে।

Share This