দক্ষিণ ছুডানত ভয়ংকৰ বিমান দুর্ঘটনা,২০জনৰ মৃত্যু 

Dainik janambhumi January 30, 2025

ডিজিটেল ডেস্ক : দক্ষিণ ছুডানৰ ইউনিটি প্রদেশত বুধবাৰে অইলত কৰ্মৰত শ্রমিকসকলক কঢ়িয়াই অনা এখন সৰু বিমান দুর্ঘটনাগ্রস্ত হোৱাৰ ফলত ২০জন লোকৰ মৃত্যু হয়। 

দেশখনৰ চৰকাৰী বিষয়াবৰ্গই প্ৰকাশ কৰা অনুসৰি, ৰাজধানী জুবালৈ যাবলগীয়া বিমানখন বুধবাৰে পুৱা ইউনিটি অইল ফিল্ড বিমান বন্দৰত দুৰ্ঘটনাত পতিত হয়। ইউনিটি প্রদেশৰ তথ্য মন্ত্ৰী গেটৱেক বিপালে কয় যে দুর্ঘটনাটোত নিহতসকলৰ ভিতৰত 'গ্ৰেটাৰ পায়'নিয়েৰ অপাৰেটিন কোম্পানী, চীন নেশ্যনেল পেট্রলিয়াম কৰ্প'ৰেশ্যন আৰু দেশখনৰ নীল পেট্রলিয়াম কৰ্প'ৰেশ্যনৰ অইল শ্রমিকসকল আছিল। 

এই দুর্ঘটনাটোত নিহতসকলৰ ভিতৰত দুজন চীনৰ আৰু এজন ভাৰতীয় নাগৰিকো আছে। তথ্য মন্ত্রী বিপালে বিমান দুর্ঘটনাটোৰ কাৰণ সম্পর্কে বিশদ তথ্য প্রকাশ কৰা নাই। উল্লেখযোগ্য যে বিগত বছৰসমূহত যুদ্ধ-জৰ্জৰিত দক্ষিণ ছুডানত বহুবাৰ বিমান দুর্ঘটনা সংঘটিত হৈছে। ২০১৮ চনত সংঘটিত বিমান দুর্ঘটনাত ১৯জন লোকৰ মৃত্যু হৈছিল।

Share This