আৰম্ভ হৈছে নতুন বিশ্ব ব্যৱস্থাৰ কুচকাৱাজ

dainik janambhumi August 10, 2025

ডিজিটেল ডেস্ক : 'বিশ্ব পৰিক্ৰমাৰ এক অতি গুৰুত্বপূৰ্ণ সময়ত' প্রধানমন্ত্রী নৰেন্দ্ৰ মোদী আৰু ৰাছিয়াৰ ৰাষ্ট্ৰপতি ভলাডিমিৰ পুটিনৰ মাজত টেলিফ 'নিক বার্তালাপ হৈছে আৰু ই ইংগিত দিছে যে 'এক নতুন বিশ্ব ব্যৱস্থা গঢ়াৰ কুচকাৱাজ চলি আছে'। বিদেশ পৰিক্ৰমাৰ বিশেষজ্ঞ ৰবিন্দৰ সচদেৱে শুকুৰবাৰে এইদৰে কয়। উল্লেখযোগ্য যে ড'নাল্ড ট্রাম্পে ভাৰতকে ধৰি বিশ্বৰ বিভিন্ন দেশৰ বিৰুদ্ধে উচ্চ হাৰৰ শুল্ক আৰোপ কৰাৰ পাছতে বিশ্বজুৰি দেখা দিয়া ৰাজনৈতিক-অর্থনৈতিক অস্থিৰতাৰ মাজত শুকুৰবাৰে মোদীৰ সৈতে পুটিনৰ টেলিফ'নিক বার্তালাপ হৈছিল। 

এই বিষয়ত সচদেৱে কয়, 'বিশ্ব পৰিক্ৰমাৰ এক অতি গুৰুত্বপূৰ্ণ সময়ত প্রধানমন্ত্রী মোদী আৰু ৰাষ্ট্ৰপতি পুটিনৰ মাজত টেলিফ'নিক বার্তালাপ হৈছে। এই সময়ছোৱা কোনো সাধাৰণ সময় নহয়। যোৱা কিছুদিন ভাৰতৰ এন এছ এ (ৰাষ্ট্ৰীয় নিৰাপত্তা উপদেষ্টা) অজিত ডোভাল মস্কোত আছে। মই ধাৰণা কৰিছোঁ ৰাষ্ট্ৰপতি পুটিন আৰু বিষয়াসকলৰ সৈতে তেওঁ পটভূমি পৰ্যায়ৰ বৈঠকত বহিছে। তদুপৰি আজি হৈছে ইউক্রেইনৰ সৈতে যুদ্ধত এক শান্তিৰ পৰিকল্পনা কৰিবলৈ বা যুদ্ধ-বিৰতি ঘোষণা কৰিবলৈ ৰাছিয়াৰ ওপৰত আমেৰিকাই বান্ধি দিয়া অন্তিম দিন। এই পটভূমিত এই বাৰ্তালাপ অত্যন্ত গুৰুত্বপূর্ণ। আনহাতে, ভাৰতৰ বিৰুদ্ধে আমেৰিকাই ৫০ শতাংশ শুল্ক আৰোপ কৰিছে, যাৰ বিৰুদ্ধে ভাৰত থিয় দিছে আৰু কৈছে যে আমি কেৱল ৰাষ্ট্ৰৰ স্বাৰ্থত সিদ্ধান্তবোৰ ল'ম। 

তেওঁ আৰু কয়, 'সেয়ে মোৰ বাবে এই বার্তালাপে দেখুৱাইছে যে এক নতুন বিশ্ব ৰাজনৈতিক পৰিৱেশ নির্মীয়মাণ, এক নতুন বিশ্ব ব্যৱস্থা নির্মীয়মাণ। বর্তমান সময়ত, এনে সন্ধিক্ষণত বিশ্বৰ নেতাসকলৰ মাজত বাৰ্তালাপ অত্যন্ত গুৰুত্বপূৰ্ণ। মই ভাবোঁ যে ই পুটিনক অধিক প্রভাৱশালী হোৱাত সহায় কৰি প্ৰভাৱক সুবিধাও দিছে। যদি ভাৰতৰ সৈতে তেওঁৰ সম্পর্ক অধিক দৃঢ় খোজেৰে আগ বাড়ে, তেতিয়া তেওঁ অধিক শক্তিৰে ট্রাম্পৰ সৈতে দৰ-দাম কৰিব পাৰিব। আনহাতে ই আমাৰ দেশৰ প্ৰভাৱকো নতুন মাত্রা প্রদান কৰিব। আমি বিশ্বক দেখুৱালোঁ যে আমাৰ প্ৰয়োজনীয়তাৰ বাবে আমাৰ ৰাছিয়াৰ দৰে দায়বদ্ধ বন্ধু আছে। সেয়ে ভাৰতে পৰিকল্পনা কৰিছে নিজৰ স্বতন্ত্র বৈদেশিক নীতি আৰু ৰাছিয়ায়ো নিজৰ বৈদেশিক নীতি।'

Share This