আন্তঃৰাষ্ট্ৰীয় মহাকাশ কেন্দ্ৰলৈ যাবলগীয়া প্ৰথমজন ভাৰতীয় সুভাংশু শুক্লা

dainik janambhumi June 09, 2025

ডিজিটেল ডেস্কঃ ভাৰতীয় বায়ু সেনাৰ বিষয়া সুভাংশু শুক্লাই সমাগত এক্সিয়ম-৪ (এ এক্স-৪) মিছনৰ অংশ হিচাপে আন্তঃৰাষ্ট্ৰীয় মহাকাশ কেন্দ্রলৈ যাবলগীয়া প্রথমজন ভাৰতীয় মহাকাশচাৰী হিচাপে পৰিগণিত হ'ব। 

মিছন আকাশ গংগা নামকৰণ কৰা এ এক্স-৪ অভিযানটো ১০ জুনত নাছাৰ কেনেডী মহাকাশ কেন্দ্ৰৰ পৰা আৰম্ভ কৰা হ'ব। ২৮ ঘণ্টা যাত্ৰাৰ পাছত ১১ জুনৰ নিশা ১০ বজাত এক্সিয়ম-৪ অভিযানৰ স্পেচ এক্স ড্রেগন চি ২১৩ মহাকাশ যানে আন্তঃৰাষ্ট্ৰীয় মহাকাশ কেন্দ্ৰৰ সৈতে ডকিং কৰিব।

 উল্লেখযোগ্য যে ১৫ বছৰ যুদ্ধ বিমানৰ পাইলট হিচাপে অভিজ্ঞতা থকা ভাৰতীয় বায়ু সেনাৰ সুভাংশু শুক্লাই ভাৰতীয় মহাকাশ গবেষণা সংস্থাক প্রতিনিধিত্ব কৰি এ এক্স-৪ৰ মহাকাশ যাত্ৰাৰ অংশ হ'ব। ২০০৬ চনৰ জুন মাহত ভাৰতীয় বায়ু সেনাত তেওঁ নিযুক্তি পাইছিল। বায়ু সেনাৰ গ্ৰুপ কেপ্টেইন ৩৯ বছৰীয়া সুভাংশুৱে এতিয়ালৈকে ২০০০ ঘণ্টাতকৈ অধিক উৰণ সময় আকাশত অতিবাহিত কৰিছে। তেওঁৰ চু-৩০ এম কে আই, মিগ-২১, মিগ-২৯, জাগুৱাৰ আদি যুদ্ধ বিমান চলোৱাৰো অভিজ্ঞতা আছে।

Share This