নাছা-স্পে'চএক্সৰ যান মহাকাশলৈ ৰাওনা

dainik janambhumi March 16, 2025

ডিজিটেল ডেস্ক : আমেৰিকাৰ মহাকাশচাৰী সুনীতা উইলিয়ামছ আৰু বুচ্চ উইলম'ৰক পৃথিৱীলৈ ওভতাই আনিবলৈ নাছা আৰু স্পে'চএক্সে শুকুৰবাৰে বহু প্রতীক্ষিত মহাকাশযানত মহাকাশচাৰী প্ৰেৰণ অভিযান আৰম্ভ কৰে। উল্লেখযোগ্য যে দুয়োগৰাকী মহাকাশচাৰী আন্তঃৰাষ্ট্ৰীয় মহাকাশ কেন্দ্রত (আই এছ এছ) ন মাহ আবদ্ধ হৈ আছে। শুকুৰবাৰে স্থানীয় সময়মতে সন্ধিয়া ৭-০৩ বজাত আমেৰিকাৰ ফ্লৰিডা কেনেডী মহাকাশ কেন্দ্ৰৰ পৰা এটা ক্রু ড্রেগন কেপছুলৰে সৈতে এটা ফেলকন ৯ ৰকেট উৎক্ষেপণ কৰা হয়। ইয়াত আছে চাৰিজনীয়া সদস্যৰ এটা দল। 

ক্রু-১০ শীর্ষক এই অভিযানত আই এছ এছলৈ গৈছে নাছাৰ মহাকাশচাৰী এন মেকক্লেইন আৰু নিকল আয়েছ তথা জাক্সাৰ মহাকাশচাৰী টাকুয়া অনিশ্বি আৰু ৰকচ্‌ছ। সুনীতা উইলিয়ামছ, বুচ্চ উইলম'ৰ আৰু দুজন মহাকাশচাৰীৰ সলনি এতিয়া এই চাৰিজনে আই এছ এছত কাম কৰিব। ১৫ মাৰ্চৰ নিশা আই এছ এছত মহাকাশচাৰীকেইজন উপস্থিত হোৱাৰ পাছত চাৰিজন মহাকাশচাৰীয়ে ক্রু-৯ৰ পৰা কাৰ্যভাৰ গ্ৰহণ কৰিব। তাৰ পাছত ১৯ মার্চ মানত উইলিয়ামছ, উইলম'ৰ আৰু আন দুজন মহাকাশচাৰী পৃথিৱীলৈ ৰাওনা হ'ব।

Share This