প্ৰয়োজন হʼলে নিজৰ জেপৰ পৰা সুনীতাক দৰমহা দিবলৈ সাজু ড'নাল্ড ট্ৰাম্প

Kakali Deka March 23, 2025

ডিজিটেল ডেস্কঃ মহাকাশচাৰী সুনীতা উইলিয়ামছ আৰু বুছ উইলম'ৰৰ কথা  ইতিমধ্যে সকলোৱে জানে । ৮ দিনৰ বাবে মহাকাশত গৈ কাৰিকৰী বিজুতিৰ বাবে  অতিৰিক্ত ২৭৮ দিন মহাকাশত থাকিবলগীয়া হৈছিল।

নাছাৰ নিয়ম অনুসৰি, যদি কোনো কৰ্মচাৰীয়ে অতিৰিক্ত কাম কৰিবলগীয়া হয় তেন্তে সেই কামৰ বাবত অতিৰিক্ত দৰমহা  নাপায়। 

ইয়াৰ সলনি তেওঁলোকে দৈনিক বনাচ হিচাপে পাঁচ ডলাৰহে পায়। সেই হিচাপে মুঠ ২৮৬ দিনৰ বাবে উইলিয়াম-উইলম'ৰৰ বনাচৰ পৰিমাণ হৈছে ১,৪৩০ আমেৰিকান ডলাৰ। 

আমেৰিকা যুক্তৰাজ্যৰ ৰাষ্ট্ৰপতি ড'নাল্ড ট্রাম্পে এই বিষয়ে জানিব পাৰি আচৰিত হৈ কয় যে  'মোক কোনেও এই বিষয়ে একো জনোৱা নাই। প্রয়োজনত মই নিজৰ জেপৰ পৰাই তেওঁলোকক অতিৰিক্ত দৰমহা দিম।' 

ইপিনে, উইলিয়ামছ-উইলম'ৰে এইবুলি সদৰী কৰে যে তেওঁলোকে কেতিয়াও অৱহেলিত অনুভৱ কৰা নাই আৰু এনে পৰিস্থিতিৰ বাবে তেওঁলোক পূৰ্বৰে পৰা সাজু আছিল।

Share This