উচ্চতম ন্যায়ালয়ৰ গুৰুত্বপূৰ্ণ ৰায়

Dainik janambhumi February 08, 2025

ডিজিটেল ডেস্ক: এক উল্লেখনীয় ৰায় প্ৰদান কৰি উচ্চতম ন্যায়ালয়ে শুকুৰবাৰে কয় যে এজন অভিযুক্তক গ্ৰেপ্তাৰৰ কাৰণ জনোৱাটো এক 'আনুষ্ঠানিকতা নহয়, এক বাধ্যতামূলক সাংবিধানিক প্রয়োজনীয়তা।' ন্যায়াধীশ অভয় এছ ওকা আৰু নোংমেইকাপাম কোটিশ্বৰ সিঙৰ পীঠে কয় যে আৰক্ষীয়ে এই কাৰ্য পালন নকৰিলে সংবিধানৰ ২২নং অনুচ্ছেদৰ অধীনত মৌলিক অধিকাৰ ভংগৰ দোষত দোষী হ'ব। পীঠে কয়, 'গ্ৰেপ্তাৰ কৰা লোকজনক গ্ৰেপ্তাৰৰ কাৰণ জনোৱাটো এটা আনুষ্ঠানিকতা নহয়, বাধ্যতামূলক সাংবিধানিক প্রয়োজনীয়তা। 

২২ নং অনুচ্ছেদটো সংবিধানৰ তৃতীয় অংশত 'মৌলিক অধিকাৰসমূহ' শিৰোনামৰ অধীনত অন্তর্ভুক্ত হৈছে। সেয়ে, গ্ৰেপ্তাৰ হোৱা আৰু আটক কৰি জিম্মাত ৰখা সকলো ব্যক্তিৰে যিমান সোনকালে হয় গ্ৰেপ্তাৰৰ কাৰণ জনাটো মৌলিক অধিকাৰ। পীঠে এটা গোচৰৰ ৰায়ত এই কথা কয়। পীঠে এই বিত্তীয় প্ৰৱঞ্চনাৰ গোচৰত জনৈক বিহান কুমাৰৰ গ্ৰেপ্তাৰ অসাংবিধানিক আৰু সংবিধানৰ ২২(১) অনুচ্ছেদৰ অধীনত তেওঁৰ মৌলিক অধিকাৰ ভংগকাৰী বুলি ৰায় দিয়ে। তেওঁৰ গ্ৰেপ্তাৰ অবৈধ আখ্যা দি ন্যায়ালয়ে তেওঁক তাৎক্ষণিকভাৱে মুকলি কৰি দিবলৈ নিৰ্দেশ দিয়ে ।

Share This