টীয়কৰ এজন ব্যতিক্ৰমী চিন্তাধাৰাৰ দৰা ; ঐতিহ্য, পৰম্পৰা আৰু সংস্কৃতি অটুট ৰাখিবলৈ দুৰ্বাহ হেঁপাহ 

Rashmi March 04, 2025

ডিজিটেল ডেস্কঃ বিবাহ হৈছে সমাজৰ এক পুৰাতন পৰম্পৰা ৷ অসমৰ এই বিবাহৰ আছে বহু স্বকীয়তা, কিন্তু সময় বাগৰাৰ লগে লগেই অসমৰ তাহানিৰ সেই বিবাহ পৰম্পৰাই যেন ৰং সলাই ৰূপ ল'লে আধুনিকতাৰ ৷ 

আজিৰ সময়ত পুষ্পসজ্জিত বিলাসী বাহনত দৰা যোৱাৰ পৰম্পৰা গঢ়িল আৰু ইয়াৰ লগে লগেই হেৰাই গ’ল যেন তাহানিৰ বহু পৰম্পৰা ৷ এই যে তাহানিতে হাতীত দৰাই কইনা আনিছিল, কইনা আনিবলৈ যোৱাৰ বাটত যে দৰাক আগচি ধৰি বিভিন্ন প্ৰশ্নৰে ব্যতিব্যস্ত কৰিছিল। এইবোৰ ছবি যেন আজি হেৰাই গ’ল পৰিৱৰ্তনৰ ধামখুমীয়াত ৷
    
এইসমূহ স্বকীয়তা সামৰি আয়োজিত টীয়কৰ এজন যুৱকৰ এখন বিবাহে দৃষ্টি কাঢ়িছে আজি সকলোৰে ৷ টীয়কৰ তাহানিৰ পৰম্পৰা সামৰি অনুষ্ঠিত কৰিছে নিজৰ বিবাহ৷ টীয়ক পৰ্বতীয়া গাঁৱৰ এইজন যুৱকে কয় যে ঐতিহ্য,পৰম্পৰা আৰু সংস্কৃতি আমাৰ স্বাভিমান ৷ কাৰণ ইয়াত সুন্দৰতা থাকে ৷ সুন্দৰতাৰ ৰূপান্তৰেহে জগতখন সুন্দৰ কৰি ৰাখে ৷

বৰ্তমান হাতী লৈ কইনা আনিবলৈ যোৱা দৃশ্য সকলোৰে আকৰ্ষণৰ কেন্দ্ৰ হৈ পৰিছে ৷ বিশেষকৈ অসমৰ এই বিবাহে অসমীয়া পৰম্পৰালৈ যি পৰিৱৰ্তন আনিছে সেই পৰিৱৰ্তনৰ মাজতে নতুনচামৰ মাজত পৌৰাণিক প্ৰথাটো চিনাকি কৰি দিয়াৰ বাবে লোৱা এই প্ৰচেষ্টাক আদৰণি জনাইছে ৰাইজে ৷

উৎস: প্ৰাগ নিউজ ডিজিটেল
 

Share This